22.11.2024 | 09:50
Հայկական արբանյակից լուսանկարներ են հրապարակվել
ՀՀ ԱԳՆ-ն հաստատում է Հայաստանի և Թուրքիայի հատուկ ներկայացուցիչների հանդիպման լուրը
Քաղաքականություն
29.07.2024 | 13:51
ՀՀ ԱԳՆ մամուլի խոսնակ Անի Բադալյանը հաստատել է, որ վաղը սահմանին տեղի է ունենալու Հայաստանի և Թուրքիայի հարաբերությունների կարգավորման գործընթացում երկու երկրների հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը։
«Հուլիսի 30-ին Հայաստան-Թուրքիա սահմանին տեղի կունենա հատուկ ներկայացուցիչների 5-րդ հանդիպումը»,- գրել է Անի Բադալյանը X-ի միկրոբլոգում։
Factor.am-ի տեղեկություններով հանդիպումը տեղի է ունենալու Մարգարա անցակետում։
Նշենք, որ հանդիպման մասին հայտնել էր թուրք լրագրող Սենա Ալքանը։
«Երկու տարվա մեջ առաջին անգամ սահմանին։ Հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը և Հայաստանի հատուկ ներկայացուցիչ Ռուբեն Ռուբինյանը վաղը կանցկացնեն բանակցությունների 5-րդ փուլը Թուրքիա-Հայաստան սահմանին, առավոտյան՝ հայկական կողմում, իսկ կեսօրից հետո՝ թուրքական»,- գրել էր լրագրողը X-ի իր միկրոբլոգում։
