14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Հայաստանի կողմից Հնդկաստանից զենքի գնման ծավալը հասել է 600 մլն դոլարի․ հնդկական լրատվամիջոց
24.07.2024 | 13:19
ՀՀ-ի կողմից Հնդկաստանից զենքի գնման ընդհանուր ծավալը 2024-25 թթ-ի համար հասել է 600 մլն դոլարի։ Այս մասին հայտնում է հնդկական IADN լրատվամիջոցը X-ի իր էջում՝ վկայակոչելով երկրի պաշտպանության նախարարության տվյալները։
«Հայաստանի կողմից Հնդկաստանից զենքի գնման ընդհանուր ծավալը ընթացիկ 2024-25 թվականների ֆինանսական տարվա սկզբին հասել է 600 միլիոն դոլարի»,-ասվում է գրառման մեջ։
Հնդկական լրատվամիջոցները նաև գրում են, որ Հնդկաստանը գրանցել է իր երբևէ ամենաբարձր պաշտպանական արտահանումը, որը հասել է 2,5 միլիարդ դոլարի 2023-24 ֆինանսական տարում։ Այս մասին վկայում է 2023-24 թվականների տնտեսական հետազոտությունը, որը ներկայացրել է ֆինանսների նախարար Նիրմալա Սիթարամանը։
Նշվում է, որ թեև հետազոտությունը չի ներկայացնում հնդկական պաշտպանական արտադրանք ներկրող բոլոր երկրները, սակայն Հայաստանը նշվել է որպես կարևոր ուղղություն, գործարքներ են կնքվել Pinaka հրթիռների և Akash համակարգերի արտահանման վերաբերյալ։
