14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Դրանք Հայաստանի կողմից երկար սպասված էին․ Բորելը՝ ՀՀ-ի վերաբերյալ ԵՄ որոշումների մասին
Քաղաքականություն
23.07.2024 | 13:54
ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը նախօրեին ԱԳ նախարարների խորհրդի նիստից հետո հրավիրված մամուլի ասուլիսում անդրադարձել է նաև Հայաստանի վերաբերյալ ընդունված որոշումներին։
«Նախ թույլ տվեք սկսել երկու կարևոր որոշումներից, որոնք կամրապնդեն մեր գործընկերությունը Հայաստանի հետ։ Նախ մենք ընդունեցինք Եվրոպական Խաղաղության Հիմնադրամի շրջանակներում Հայաստանի համար առաջին աջակցության միջոցառումը՝ մոտ 10 միլիոն եվրո արժողությամբ: Երկրորդ՝ մենք կանաչ լույս ենք վառել Հայաստանի հետ վիզաների ազատականացման երկխոսություն սկսելու համար»,-ասել է Բորելը՝ հավելելով․
«Այս երկու որոշումները Հայաստանի կողմից երկար սպասված էին։ Ես շատ ուրախ եմ, որ դա հաջողվեց վերջնականապես համաձայնեցնել մինչև ամառային արձակուրդը, քանի որ գիտեք, թե որքան է լարված իրավիճակը Կովկասում, և դա կամրապնդի մեր գործընկերությունը Հայաստանի հետ»։
Հիշեցնենք, որ ԵՄ խորհուրդը նախօրեին ընդունել էր ՀՀ զինված ուժերին 10 մլն եվրո արժողությամբ աջակցության չափով օգնության տրամադրման ու վիզայի ազատակացման շուրջ երկխոսություն սկսելու որոշումները։
