05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Երաժշտական կախարդանք՝ անձրևի տակ․ Երևանում կայացավ Full Moon Fest 2024-ը
Մշակույթ
22.07.2024 | 21:00
Հուլիսի 20-ին՝ լիալուսնի օրը, կայացավ մայրաքաղաքի մասշտաբով ամենամեծ փառատոններից մեկը՝ «Full Moon Fest»-ը։ Ելույթ ունեցան D’LITTE-ը, 5STA FAMILY, BANDEROS, VINTAGE, OUTLANDISH, REINCARNATION երաժշտական խմբերը։
Հանդիսատեսը երաժշտության կախարդանքը վայելեց անձրևի ներքո։ Երգչուհի D’Litte-ը (Լիլիթ Օսիպյան) Factor TV-ի հետ զրույցում ընդգծեց՝ թեև ուներ առողջականա խնդիրներ, բայց անձրևն իրեն չէր կարող խանգարել։
«Հանդիսատեսը պետք է չնկատի, թե ինչ վիճակում ես, ինձ համար կարևոր էր կիսել նրանց էմոցիաները, որովհետև 45 րոպե բեմում լինելով՝ ավելի երկար եմ ապրում, քան սովորական մարդիկ։ Որպես հեղինակ-կատարող փառատոնն ինձ համար կարևոր է այնքանով, որ ծանոթանում եմ նոր արտիստների հետ, կապն ու հաղորդակցությունը շատ կարևոր են, «Full Moon Fest»-ի կազմակերպչական գործերն ուղղակի հիացնում են ինձ»,- ասաց երգչուհին։
«The Moon production»-ի հիմնադիր Լուսինե Աչոյանը, անդրադառնալով անձրևային եղանակին, նշեց, որ միջոցառումների ժամանակ ֆորսմաժորային իրավիճակներն անխուսափելի են։ Ըստ նրա՝ նպատակ ունեն փառատոնին ներգրավել միջազգային հայտնի արտիստների։
«Սա թվով 4-րդ փառատոնն էր, որի ժամանակ ելույթ ունեցան ամենասիրելի փոփ երաժշտական խմբերը: Չնայած անձրևին՝ հանդիսատեսը վայելեց և դրական էներգիա ստացավ: Մեր արտիստների մեծ մասն այս տարի առաջին անգամ էր եկել Հայաստան, շատ ուրախ էին, և բեմից մի քանի անգամ բարձրաձայնեցին այդ մասին»,-ասաց «The Moon production»-ի հիմնադիրը։
Միջոցառումը եզրափակեց «REINCARNATION ORCHESTRA» խումբը, որն ամբողջացրեց օրվա տրամադրությունը՝ թողնելով վառ ու տպավորիչ հիշողություններ։ Full Moon Fest 2024-ը ապացուցեց, որ անկախ եղանակային պայմաններից, իրական երաժշտությունը և դրական էներգիան միշտ հաղթում են, իսկ նման միջոցառումները ոչ միայն ջերմացնում են հանդիսատեսի սրտերը, այլև քաղաքը դարձնում են ավելի գունեղ և կյանքով լի։
Արփի Հակոբյան
