14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
«Ժողովրդավարական ուժերի հարթակ»-ը նախաձեռնելու է ստորագրահավաք Հայաստանի՝ ԵՄ անդամակցության հարցով հանրաքվե անցկացնելու համար
Քաղաքականություն
22.07.2024 | 12:47
«Ժողովրդավարական ուժերի հարթակ»-ը մտադիր է ԵՄ-ին Հայաստանի անդամակցության հանրաքվեի հարցով ստորագրահավաք կազմակերպել։ Հարթակում ներգրավված ուժերի ներկայացուցիչներն այսօր Եվրոպայի հրապարակում ասուլիս էին հրավիրել։
Հարթակի մաս կազմող «Ազատ քաղաքացի» հասարակական կազմակերպության ղեկավար Հովսեփ Խուրշուդյանը հայտնեց, որ այս ընթացքում հանրաքվեի հարցով հանդիպումներ և քննարկումներ են եղել իշխանության տարբեր ներկայացուցիչների հետ, սակայն իշխաննությունների մոտ վերջնական որոշում և համախոհություն չկա։
«Կա որոշում, որ մենք շարունակում ենք այդ գործընթացը։ «Ժողովրդավարական ուժերի հարթակ»-ը նախաձեռնելու է ստորագրահավաք Հայաստանի՝ ԵՄ անդակմակցության հարցով հանրաքվե անցկացնելու համար։ 45 օրում անհրաժեշտ է լինելու 50 հազար ստորագրություն, ինչը բարդ գործընթաց է։ Այսօրվանից սկսեն նախապատրաստական աշխատանքները»,- հայտարարեց Հովսեփ Խուրշուդյանը։
Հիշեցնենք, որ հունիսի 21-ին ժողովրդավարական ուժերի նախաձեռնությամբ ԵՄ-ին Հայաստանի անդամակցելու հարցով հանրաքվե անցկացնելու հարցով նաև տեղի են ունեցել խորհրդարանական լսումներ։
