12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Սյունիքը կարևոր դեր է խաղում Իրանի և Հայաստանի միջև անվտանգության ու առևտրի գործում․ Մեհդի Սոբհանի
Քաղաքականություն
19.07.2024 | 15:21
ՀՀ-ում Իրանի դեսպան Մեհդի Սոբհանին իրանական SNN լրատվական գործակալությանը տված հարցազրույցում կարևորել է Սյունիքի դերը երկու երկրների հարաբերությունների առևտրի ու անվտանգության հարցում։
«Հարավային Հայաստանը՝ որպես ռազմավարական տարածաշրջան, կարևոր դեր է խաղում Իրանի և Հայաստանի միջև անվտանգության և առևտրի գործում»,- ասել է դեսպանը։
Անդրադառնալով Կապանում Իրանի գլխավոր հյուպատոսությանը՝ նշել է․
«Այս հյուպատոսությունը բարելավել է սահմանային հաղորդակցությունը և անմիջապես լուծում է խնդիրները»։
Ըստ նրա՝ Իրանի ընտրություններին մարդկանց մասնակցությունը մեծացնելու գործում արդյունավետ է եղել նաև Կապանում Իրանի գլխավոր հյուպատոսությունը։ Սոբհանիի խոսքով՝ Կապանում աշխատող իրանցի վարորդները կարողացել են մասնակցել ընտրություններին, և դա ցույց է տալիս հյուպատոսության կարևորությունը Հայաստանում բնակվող իրանցիների գործերի առաջմղման գործում։ Հյուպատոսությունը կազմակերպում է նաև պարսկերենի դասընթացներ տեղի բնակչության և հայ մաքսավորների համար։
Դեսպանը իր հարցազրույցում խոսել է նաև երկու երկրների միջև տնտեսական ու էներգետիկ համագործակցությունից՝ նշելով, որ առաջիկայում Հայաստան իրանական գազի մատակարարումները կկրկնապատկվեն։
