04.06.2026 | 22:43
«Կարապետյանի դատավճի՞ռն է», «Կարդացեք, իմ ձեռագիրը լավ գիտեք». Փաշինյանը` Մարուքյանին. ՏԵՍԱՆՅՈՒԹ
ԱԺ աշխատակազմի պետական ծառայողները մեկ ամսում երկրորդ անգամ են պարգևավճար ստացել
Հասարակություն
17.07.2024 | 11:30
Ազգային ժողովի աշխատակազմի պետական ծառայողները մեկ ամսում երկրորդ անգամ են պարգևատրվում: ԱԺ պաշտոնական կայքում հրապարակված որոշման համաձայն՝ արձակուրդում գտնվող Ալեն Սիմոնյանին փոխարինող ԱԺ նախագահի տեղակալ Ռուբեն Ռուբինյանի կարգադրությամբ` աշխատակազմի պետական ծառայողները միանվագ դրամական պարգևատրում են ստացել։
ԱԺ պետական ծառայողներն ու աշխատակիցները պարգևատրում են ստացել նաև Սահմանադրության օրվա առթիվ։ Հուլիսի 4-ին հրապարակված որոշմամբ՝ Ալեն Սիմոնյանն էր նրանց դարձյալ միանվագ պարգևատրել։
Հավելենք, որ «Պատիվ ունեմ» և «Հայաստան» ընդդիմադիր խմբակցությունների պատգամավորները հայտարարել էին, որ Սահմանադրության օրվա կապակցությամբ Ազգային ժողովի պատգամավորները նույնպես պարգևավճար են ստացել։ Նրանք նաև հայտնել էին, որ ստացած պարգևավճարներն ամբողջ ծավալով կուղղեն բարեգործությանը և սոցիալական աջակցությանը։
Մանյա Պողոսյան
