01.11.2024 | 13:31
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
Խաղաղության պայմանագիրը կողմերից ծանր փոխզիջումներ է պահանջում․ Միլլեր
Քաղաքականություն
16.07.2024 | 10:39
Հայաստանն ու Ադրբեջանն անհավատալի առաջընթաց են գրանցել, և նրանք երկար ճանապարհ են անցել, սակայն խաղաղության պայմանագիրը պահանջում է երկու կողմերից կատարել որոշ բարդ ընտրություններ և ծանր փոխզիջումներ։ Այս մասին հայտարարել է ԱՄՆ Պետքարտուղարության խոսնակ Մեթյու Միլլերը՝ պատասխանելով Վաշինգտոնում Հայաստանի, Ադրբեջանի արտգործնախարարների և ԱՄՆ պետքարտուղարի եռակողմ հանդիպման ժամանակ կողմերի ձեռքբերումների մասին հարցին։
«Նրանք անհավատալի առաջընթաց են գրանցել և երկար ճանապարհ են անցել: Երկու երկրների միջև խաղաղության համաձայնագիրը շատ մեծ նշանակություն կունենա այդ երկրների և տարածաշրջանի խաղաղության, կայունության, անվտանգության համար: Մենք իսկապես կարծում ենք, որ գործարքը հնարավոր է, բայց դա պահանջում է երկու կողմերից կատարել որոշ բարդ ընտրություններ և ծանր փոխզիջումներ, և այն, ինչ մենք պատրաստվում ենք անել, շարունակել նրանց մղել՝ լուծելու այդ վերջնական տարաձայնությունները և հասնել համաձայնության»,- ասել է ամերիկացի պաշտոնյան:
Նա հայտնել է, որ Վաշինգտոնում կողմերն արձանագրել են առաջընթաց, սակայն հրաժարվել է որևէ մանրամասն հաղորդել:
