05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ՀՀ-ԱՄՆ զորավարժությունը լուրջ ռազմաքաղաքական ակտ է․ Արևմուտքն ուժեղացնում է ՀՀ դիմակայունությունը․ Արմեն Մարտիրոսյան․ ՏԵՍԱՆՅՈՒԹ
Քաղաքականություն
15.07.2024 | 20:30
Մինչ ՀՀ-ն սառեցնում է իր մասնակցությունը ՀԱՊԿ-ում՝ չի ֆինանսավորում, չի մասնակցում զորավարժությունների և միջոցառումների, այսօր Վազգեն Սարգսյանի անվան ռազմական ակադեմիայում ազդարարվում է «Արծիվ գործընկեր-2024» հայ-ամերիկյան համատեղ զորավարժության մեկնարկը։ Դրան մասնակցում են Եվրոպայում և Աֆրիկայում ԱՄՆ ցամաքային զորքերը, Կանզասի ազգային գվարդիան, ՀՀ ԶՈՒ խաղաղապահ բրիգադի զինծառայողներ։
Եվ սա տեղի է ունենում ՌԴ փոխարտգործնարարի գնահատականների ներքո, թե ՀՀ-ն «երկու աթոռի վրա է նստում», խորացնելով ՌԴ-ի ռազմավարական պարտության շահագրգիռ ուժերի հետ՝ ՀՀ-ն սեփական ձեռքերով ռիսկի է դիմում՝ ապակայունացնելու իրավիճակը Հարավային Կովկասում՝ ի վնաս սեփական անվտանգության»։
«Ժառանգություն» կուսակցության վարչության նախկին նախագահ Արմեն Մարտիրոսյանը Factor TV-ի հետ զրույցում նշում է, որ ամերիկյան կողմի հետ գործակցությունը շահերի համընկնման արդյունք է, և անհրաժեշտ է առավել կտրուկ և որակյալ քայլերի գնալ։
«Ռուսաստանը հարյուրամյակներ շարունակ Հայաստանի պես դաշնակից երբեք չի ունեցել, բայց զիջել է մեր շահերը Թուրքիային և Ադրբեջանին։ ԱՄՆ-ը չի անելու դա, քանի որ մեր շահը համընկնում է։ Նրան մեր լինելիությունն անհրաժեշտ է»,- կարծում է նա։
ՌԴ-ն, որ Ադրբեջանին միլիարդավոր դոլարների զենք է վաճառել՝ 67%-ը նրա զինապահեստի Բելառուսի հետ միասին, մեղադրում է ՀՀ-ին «երկու աթոռի վրա նստելու փորձի» համար։
«Այսպիսի տեմպերով խորացնելով համագործակցությունը նրանց հետ, ում նպատակը ՌԴ-ի «ռազմավարական պարտությունն է», ՀՀ-ն սեփական ձեռքերով ռիսկի է դիմում՝ ապակայունացնելու իրավիճակը Հարավային Կովկասում՝ ի վնաս սեփական անվտանգության»,- ասել է ՌԴ ԱԳ փոխնախարար Գալուզինը։
Արմեն Մարտիրոսյանը, մինչդեռ, կարծում է՝ պաշտոնական Երևանը չպետք է հետքայլ անի այս քննադատությունները լսելով հանդերձ։
«ՀՀ-ԱՄՆ զորավարժությունը շատ կարևոր ռազմաքաղաքական ակտ է։ Վերջին մեկ ամսում 4 խոշոր ամերիկյան պաշտոնյաներ այցելեցին Հայաստան։ Ես կարծում եմ, որ այժմ գույքագրում է գնում ՀՀ դիմակայունությունը մեծացնելու համար։ Մենք տեսանք, որ պատերազմ չեղավ ԱՄՆ-ի շնորհիվ։ ԱՄՆ դեսպանը 2 ամիս Սյունիքից չեկավ՝ ցույց տալով, որ Սյունիքը ստրատեգիական կետ է ԱՄՆ-ի համար։ Մինչդեռ պետք է հիշել, որ ժամերն էին հաշվում, թե Ադրբեջանը երբ պիտի հարձակվի ՀՀ-ի վրա։ ԱՄՆ-ի շահերը համընկնում են ՀՀ-ի հետ։ ՀՀ-ն իր արևմտյան կողմնորոշմամբ կպաշտպանի իր պետական շահերը, դա հակառուսականություն չէ»,- ասաց Արմեն Մարտիրոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
