14.12.2024 | 10:35
Լարսը փակ է բոլոր տեսակի տրանսպորտային միջոցների համար
Բալոնով ջարդեցինք ապակին, կնոջը հանեցինք. Արթուրը փրկել է հրդեհված մեքենայի ուղևորին. ՏԵՍԱՆՅՈՒԹ
Հասարակություն
11.07.2024 | 19:09
Արթուր Մանուկյանը հուլիսի 8-ին Գաբրիել Սունդուկյանի անվան ազգային ակադեմիական թատրոնի բակում իր ամենօրյա աշխատանքն անելիս պայթյունի ձայն է լսել․ ընթացքի մեջ գտնվող մեքենայում, նախնական տվյալներով, գազի բալոնից արտահոսք է տեղի ունցել, որն ուղեկցվել է պայթյունով և հրդեհով։
«Գմփուն լսեցի, հետո տեսա, որ ավտոն վառվում ա, վազեցի»,- պատմում է Արթուրը։
Թատրոնի անվտանգության աշխատակիցներից կրակմարիչներ է խնդրել ու մինչ հրշեջները տեղ կհասնեին, այլ քաղաքացիների հետ հանգցրել են կրակն ու մեքենայից դուրս բերել ուղևորին, այրվածքներ ստացած վարորդը ևս օգնել է իրենց։
44-ամյա Արթուր Մանուկյանը 15 տարի աշխատում է Սունդուկյանի թատրոնում, տարիներ առաջ էլ օգնել է աշխատավայրում բռնկված հրդեհը մարել։
ՔԿ մամուլի խոսնակը Factor TV-ին փոխանցեց, որ Գրիգոր Լուսավորիչ փողոցում Nissan մակնիշի մեքենայում պայթյունի դեպքի առթիվ քրեական վարույթ է նախաձեռնվել: Մայր ու որդի այրվածքներով տեղափոխվել են բուժկենտրոն, մոր վիճակը գնահատվում է միջին ծանրության, տղայինը՝ ծանր։
Մանրամասները՝ տեսանյութում։
Արփի Հակոբյան
