06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Հայաստանում ամեն ինչ կարծես երազ լինի, ես լողում եմ սիրո մեջ. օսկարակիր ռեժիսոր Փեյնը Երևանում է. ՏԵՍԱՆՅՈՒԹ
Մշակույթ
11.07.2024 | 22:50
Ամերիկացի կինոռեժիսոր և սցենարիստ Ալեքսանդր Փեյնը Երևանում է։ «Ոսկե ծիրանն» է նրան Հայաստան բերել։ Կրկնակի օսկարակիր ռեժիսորն այս տարի կնախագահի միջազգային լիամետրաժ մրցույթում։
«Ճամփեզրին», «Հետնորդները», «Նեբրասկա» ֆիլմերի հեղինակն ասում է՝ Հայաստանում իրեն հրաշալի է զգում։
«Ինչ եկել եմ Երևան, քնելու ժամանակ չեմ ունեցել, երկար ժամանակ անցկացրի օդանավակայանում, հետո վերջապես տեսա արևածագը, այստեղ՝ Հայաստանում, ամեն ինչ կարծես երազ լինի: Հրաշալի ժամանակ եմ անցկացրել, լավ մարդկանց հետ եմ հանդիպել, ուրախ եմ և կարծում եմ՝ մնացած օրերն էլ են հրաշալի անցնելու»,-ասում է Փեյնը:
Ռեժիսորը հիշեցնում է, որ իր կյանքի մի մասն ապրել է հայաշատ Լոս Անջելեսում, որը, նրա խոսքով, փոքրիկ Երևան է։
«Ոսկե ծիրան» 21-րդ միջազգային կինոփառատոնը կտևի մինչև հուլիսի 14-ը: Այս տարի ևս կինոտոնը հանրությանը կներկայացնի մրցութային կինոնկարներ աշխարհի տարբեր երկրներից, ինչպես նաև ֆիլմեր ամենահեղինակավոր կինոփառատոններից:
Մանրամասները՝ տեսանյութում:
Աննա Բաբաջանյան
