12.03.2026 | 22:08
Թուրքիան դեմ է Իրանում քաղաքացիական պատերազմ հրահրելու ցանկացած ծրագրի. Ֆիդան
ՀՀ-ն մոտ է կանգնած խաղաղության պայմանագրին, ԱՄՆ-ն կօգնի ՀՀ-ին օգտագործելու պատմական այս պահը․ Սամանթա Փաուեր
Քաղաքականություն
10.07.2024 | 15:55
Հայաստանը մոտ է կանգնած խաղաղության պայմանագրին, որը կարող է վերջ դնել տասնամյակներ շարունակված հակամարտությանը, հրավիրված մամուլի ասուլիսի ժամանալ հայտարարեց ԱՄՆ Միջազգային զարգացման գործակալության ղեկավար Սամանթա Փաուերը։
ԱՄՆ պաշտոնյայի խոսքով՝ Հայաստանի և Ադրբեջանի կառավարությունների ներկայացուցիչները շարունակում են բանակցություններն՝ ուղղված հաշտությանը։
«ԱՄՆ-ն կանի իրենից կախված ամեն ինչ՝ օգնելու, որ Հայաստանը պատմական այս պահը օգտագործի», – նշեց Փաուերը։
ԱՄՆ պաշտոնյայի խոսքով՝ Հայաստանը հնարավորության պատուհան ունի ՝ կառուցելու բարեկեցություն, ամրապնդելու իր ժողովրդավարությունը և հասնելու այն խաղաղությանը, որի մասին մարդիկ այսքան երկար ժամանակ երազել են։
«2018 թվականին, երբ հայ ժողովուրդը ոտքի կանգնեց և փոփոխություն պահանջեց, այդ ժամանակից ի վեր՝ Հայաստանը զգալի առաջընթաց է արձանագրել, խորացրել ժողովրդավարական բարեփոխումները, որպեսզի կառավարությունը կարողանա ավելի արձագանքող լինել քաղաքացիների կարիքներին, ապահովել, ստեղծել տնտեսական հնարավորություններ, որոնք նախկինում կոռուպցիայի պատճառով անհնար էին»,- ասաց Սամանթա Փաուերը։
Ամերիկացի պաշտոնյան նաև նշեց, որ 2020 թ.-ից այս կողմ ԱՄՆ-Հայաստանի առևտրաշրջանառությունը ավելի քան եռապատկվել է՝ 96 մլն դոլարից հասնելով 321 մլն դոլարի 2023թ. դրությամբ։
ԱՄՆ ՄԶԳ ղեկավարը նաև հայտնեց Հայաստանին տրամադրվելիք ևս 2.4 մլն դոլարի ֆինանսավորման մասին։
