16.09.2026 | 09:30
Համաշխարհային օլիմպիադա. Շախմատի Հայաստանի թիմերի առաջին մրցակիցները և կազմերը
Վաշինգտոնում Միրզոյան-Բայրամով բանակցությունների պայմանավորվածություն չկա. ԱԳՆ խոսնակ
Քաղաքականություն
09.07.2024 | 17:49
Վաշինգտոնում Միրզոյան-Բայրամով պաշտոնական հանդիպման, բանակցությունների պայմանավորվածություն չկա, այս մասին Factor.am-ին հայտնել է ԱԳՆ մամուլի խոսնակ Անի Բադալյանը։
Ավելի վաղ ԱԳՆ խոսնակը ֆեյսբուքում գրել էր, որ հուլիսի 9-10-ն ԱԳ նախարար Արարատ Միրզոյանն աշխատանքային այցով կգտնվի Վաշինգտոնում։
Նախարար Միրզոյանը կմասնակցի ՆԱՏՕ-ի գագաթաժողովի՝ գործընկերների ձևաչափով միջոցառմանը և կազմակերպության 75-ամյակին նվիրված հարակից միջոցառումներին։ Նա առանց մանրամասնելու տեղեկացրել էր, որ ծրագրված են նաև երկկողմ հանդիպումներ։
Ադրբեջանի ԱԳՆ-ն ևս հայտարարել էր, որ արտգործնախարար Ջեյհուն Բայրամովն աշխատանքային այցով մեկնել է ԱՄՆ։ Ըստ Ադրբեջանի արտգործնախարարության՝ Բայրամովը Վաշինգտոնում կմասնակցի ՆԱՏՕ-ի գագաթնաժողովին։
Մանյա Պողոսյան
