02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Սամանթա Փաուերը ժենգյալով հաց է պատրաստում․ ԱՄՆ ՄԶԳ ղեկավարը հանդիպել է ԼՂ-ից բռնի տեղահանվածների հետ. ՏԵՍԱՆՅՈՒԹ
Քաղաքականություն
09.07.2024 | 13:01
ԱՄՆ ՄԶԳ ղեկավար Սամանթ Փաուերն այսօր հանդիպել է ԼՂ-ից բռնի տեղահանված արցախցիների հետ։ Ամերիկացի պաշտոնյան մասնակցել է արցախյան ավանդական ուտեստի՝ ժենգյալով հացի պատրաստման գործընթացին։
Ըստ USAID-ի հայաստանյան ներկայացուցչության տարածած հաղորդագրության՝ տեղահանվածների հետ հանդիպման նպատակն է ուժեղացնելու ԱՄՆ աջակցությունը հումանիտար հարցերում:
Հիշեցնենք՝ ԱՄՆ Միջազգային զարգացման գործակալության ղեկավար Սամանթա Փաուերը երեկ է ժամանել Երևան: USAID-ի հայաստանյան ներկայացուցչության տարածած հաղորդագրության համաձայն՝ այցը կշարունակվի մինչև հուլիսի 11-ը՝ հաստատելու Հայաստանի հետ Միացյալ Նահանգների խորացող գործընկերությունը, ընդգծելու ԱՄՆ ՄԶԳ աջակցությունը Հայաստանի կառավարության բարեփոխումների օրակարգին և առաջ մղելու Հայաստանի դիմակայունությունը բարձրացնելու ջանքերը։ Այցի ընթացքում Սամանթա Պաուերը կհանդիպի պետական պաշտոնյաների, քաղաքացիական հասարակության ներկայացուցիչների, ԶԼՄ-ների և գործարար ոլորտի առաջնորդների հետ:
«Միացյալ Նահանգները վերահաստատում է իր հաստատակամ աջակցությունը Հայաստանի ժողովրդավարությանը, տնտեսական դիմակայունությանը, ինքնիշխանությանը և տարածքային ամբողջականությանը»,- ասված է հաղորդագրության մեջ։
Մանրամասները՝ տեսանյութում։
