14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ԲԴԽ-ն դադարեցրեց դատավոր Արթուր Ստեփանյանի լիազորությունները․ ՏԵՍԱՆՅՈՒԹ
Հասարակություն
09.07.2024 | 10:28
Բարձրագույն դատական խորհուրդը դադարեցրեց դատավոր Արթուր Ստեփանյանի լիազորությունները: Դատավորներ Արթուր Աթաբեկյանը, Մերի Համբարձումյանը և Էդգար Հովհաննիսյանը տույժի տեսակի` լիազորությունների դադարեցմանը դեմ են և այս մասով հատուկ կարծիք են հայտնել:
Հիշեցնենք, որ Արթուր Ստեփանյանի վերաբերյալ վարույթ է հարուցվել «Փաստերի ստուգման հարթակի»-ի համակարգող Դանիել Իոաննիսյանի հաղորդման առթիվ։ 2023 թվականի դեկտեմբերին «Փաստերի ստուգման հարթակը» հրապարակել էր հոդված այն մասին, որ Արթուր Ստեփանյանը 102 գործով դատական ակտ ուշացրել է: Այս հրապարակումից հետո Դանիել Իոաննիսյանը Արդարադատության նախարարությանը հաղորդում էր ներկայացրել` վարույթ հարուցելու համար, և վարույթը հարուցվել էր:
ԲԴԽ նիստի ընթացքում Արթուր Ստեփանյանը դիրքորոշում է հայտնել որ վարույթ հարուցելու առիթն օրինական չէ, քանի որ այն, փաստացի, հարուցվել է ոչ շահագրգիռ անձի կողմից ներկայացված հաղորդման հիման վրա, բացի այդ` անդրադարձել է նաև կոնկրետ այն գործերով դատական ակտերն ուշացնելու հանգամանքներին, որոնք քննարկման առարկա են դարձել նիստի ընթացքում:
Արաքս Մամուլյան
