05.06.2026 | 01:33
ԵԱՀԿ մինսկի խումբը միշտ խաղացել է երկդիմի խաղ․ Փաշինյան․ ՏԵՍԱՆՅՈՒԹ
Ռուսական հրթիռակոծությունից Կիևում ավերվել է մանկական հիվանդանոցը․ ԼՈՒՍԱՆԿԱՐՆԵՐ
Քաղաքականություն
08.07.2024 | 15:28
Կիևի «Օխմատդետ» մանկական հիվանդանոցի շենքը վնասվել է հուլիսի 8-ին քաղաքի վրա ռուսական զանգվածային հրթիռային հարձակման հետևանքով։ Ուկրաինայի իշխանությունները հայտնում են, որ ռուսական զորքերը դիտավորյալ հարվածել են մայրաքաղաքի հիվանդանոցին և այլ քաղաքացիական ենթակառուցվածքների։
«Օխմատդիտն ամենակարևոր հիվադանոցներից է ոչ միայն Ուկրաինայում, այլև Եվրոպայում, բացառապես մանկական հիվանդանոց է։ Այն փրկել և վերականգնել է հազարավոր երեխաների առողջությունը։ Ռուսաստանը չի կարող չիմանալ, թե ուր են թռչում իր հրթիռները, և պետք է պատասխան տա իր բոլոր հանցագործությունների համար՝ մարդկանց, երեխաների, ընդհանրապես մարդկության դեմ: Շատ կարևոր է, որ հիմա աշխարհը չլռի այդ մասին, և բոլորը տեսնեն, թե ինչ է Ռուսաստանը և ինչ է անում»,- հայտարարել է նախագահ Վլադիմիր Զելենսկին։
Ուկրաինայի առողջապահության նախարար Վիկտոր Լյաշկոն էլ հայտնել է, որ հիվանդանոցում կան զոհեր։ Շենքը, որտեղ երեխաները դիալիզ են ստացել, վնասվել է, վերակենդանացման բաժանմունքները, վիրահատարանները, ուռուցքաբանական բաժանմունքը փլուզվել են։
Տեղում այժմ փլատակների մաքրման աշխատանքներ են իրականացվում։
Էմմա Չոբանյան
