1 մլն դրամի պահանջ՝ ծեծված կնոջ ծնոտը վերականգնելու համար

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Ընտանեկան բռնության ենթարկված Հ․Մ․-ի ներկայացուցիչն այսօր դատարանում լրացրեց գույքային պահանջը՝ այն դարձնելով մեկ միլիոն քսան հազար դրամ։ Ճիշտ այդքան կպահանջվի նախկին ամուսնու կողմից ծեծի հետևանքով կոտրված ծնոտի լիարժեք վերականգնումը։

Factor.am-ը գրել էր, որ Արարատի և Վայոց ձորի մարզերի ընդհանուր իրավասության դատարանի Արտաշատի նստավայրում քննվող ընտանեկան բռնության գործերից մեկի շրջանակներում ծեծված կինը գույքային պահանջ է ներկայացրել։ Այսօր այդ պահանջը լրացվեց, քանի որ տուժողի ներկայացուցիչ Զարուհի Մեջլումյանին հաջողվել էր Էրեբունի բժշկական կենտրոնից ստանալ տեղեկատվություն, թե որքան կարժենա ծնոտի լիարժեք վերականգնումը։
Տուժող Հ․Մ․-ն Factor.am-ին ասաց, որ նախկին ամուսինն իրեն այլևս չի մոտենում, սակայն երբեմն ալկոհոլ օգտագործած վիճակում զանգում կամ գրում է։

Ա․Ք․-ին մեղադրանք է առաջադրվել այն բանի համար, որ նա կենցաղային հարցերի շուրջ կնոջ հետ ծագած վիճաբանության ընթացքում բռունցքներով բազմաթիվ հարվածներ է հասցրել նրա մարմնի տարբեր մասերին, ինչպես նաև դեմքի աջ կեսին՝ վերջինիս պատճառելով կյանքի համար վտանգավոր ծանր մարմնական վնասվածք։

Տղամարդը նախորդ դատական նիստի ժամանակ հայտարարեց, որ ներողություն է խնդրում կնոջից, զղջում է։ Նա ի սկզբանե հրաժարվել էր պաշտպան ունենալու հնարավորությունից, սակայն նախորդ դատական նիստում, ի վերջո, համաձայնեց դատարանի առաջարկին՝ դիմել Հանրային պաշտպանի գրասենյակ՝ իրեն պաշտպան տրամադրելու նպատակով։ Այսօրվա դատական նիստը հետաձգվեց, որպեսզի ժամանակ տրվի մեղադրյալին ու նրա պաշտպանին՝ ներկայացված գույքային պահանջի վերաբերյալ դիրքորոշում հայտնելու համար։

Հաջորդ դատական նիստը նշանակվեց սեպտեմբերի 26-ին։ Դատավոր Սարգիս Հովհաննիսյանը նշեց, որ հաջորդ դատական նիստը գրեթե երեք ամիս անց է նշանակում, քանի որ շատ ծանրաբեռնված է դատարանը։ Բացի ծանրաբեռնվածությունից, դատավորը նաև արձակուրդում է գտնվելու ամռան ընթացքում, ուստի սեպտեմբերի 26-ը ամենամոտ օրն էր, որ կարող էր դատավորն առաջարկել կողմերին։

Հիշեցնենք, որ ընտանեկան բռնության գործերով դատավարությունների երկար ընթացքի խնդրին անդրադարձ է եղել «Իրավունքի ուժ» հասարակական կազմակերպության պատրաստած զեկույցում, որը նվիրված է բռնության ենթարկված կանանց՝ արդարադատության մատչելիության իրավունքին։ «Նույն գործով երկու նիստերի միջև ընկած ժամանակահատվածը մշտադիտարկված գործերով միջինում եղել է ավելի քան 47 օր։ Նվազագույն օրերի միջակայքը եղել է 6, իսկ առավելագույնը՝ 127 օր։ Դատական նիստերի միջև երկարատև ժամանակահատվածները դատավորները հիմնականում բացատրում են իրենց ծանրաբեռնվածությամբ, երբեմն էլ պատճառը լինում է դատավորների արձակուրդի կամ գործուղման օրերի հետ համընկնումը»,- նշվում է զեկույցում։

Արման Ղարիբյան

Նկարազարդումը՝ Ելենա Ակոջյանի