14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
Ռուբինյանը հերքում է․ վաղը Հայաստանի և Թուրքիայի հատուկ ներկայացուցիչների հանդիպում չի սպասվում
Քաղաքականություն
01.07.2024 | 16:41
ՀՀ հատուկ բանագնաց Ռուբեն Ռուբինյանը հերքում է մամուլում շրջանառվող տեղեկությունը, թե հուլիսի 2-ին տեղի կունենա Հայաստանի և Թուրքիայի ներկայացուցիչների հանդիպում։ Այս մասին նա ասել է Factor.am-ի հետ զրույցում։
Թեմային անդրադարձել է նաև ԱԳՆ մամուլի խոսնակը ֆեյսբուքյան էջում․
«Ի պատասխան լրատվամիջոցների հարցումների.
Հարց. Տեղեկատվություն է տարածվում, թե հուլիսի 2-ին նախատեսվում է Հայաստանի և Թուրքիայի ներկայացուցիչների հանդիպում Մարգարայում: Կարո՞ղ եք հաստատել:
Պատասխան. Հայաստանի և Թուրքիայի միջև հարաբերությունների կարգավորման հարցերով հատուկ ներկայացուցիչների հանդիպման ժամկետի վերաբերյալ պայմանավորվածություն ձեռք բերելուց հետո հանրությունը պատշաճ ժամկետում կիրազեկվի»,- ասված է Անի Բադալյանի գրառման մեջ:
