Քաղաքականություն
28.06.2024 | 11:51
Իրանի Իսլամական Հանրապետությունը ողջունում է Հայաստանի Հանրապետության դիրքորոշումը Պաղեստինի պետության ճանաչման հարցում, այս մասին լրագրողների հետ զրույցում ասել է ՀՀ-ում Իրանի արտակարգ և լիազոր դեսպան Մեհդի Սոբհանին։
«Եվս մեկ անգամ ողջունել ենք ՀՀ-ի որդեգրած քաղաքականությունը՝ Պաղեստինի պետության ճանաչման հարցում։ ՀՀ-ի կողմից այս քաջ ու դրական քայլը, որը կատարվեց, ցույց է տալիս, որ միջազգային հանրությունը իսկապես կարևորում է Պաղեստինի ժողովրդի իրավունքները, ինչպես նաև դեմ է հանդես գալիս այն իրավունքների խախտմանը, որ դրսևորվում է Պաղեստինի տղամարդկանց, կանանց ու երեխաների նկատմամբ` սիոնիստական ռեժիմի կողմից»,- նշել է դեսպանը։
Հիշեցնենք՝ Հայաստանի ԱԳՆ-ն օրերս հայտարարել էր, որ Հայաստանը ճանաչում է Պաղեստինի անկախությունը:
