29.06.2024 | 20:00
8 օր վիրավոր թևով, առանց բուժօգնության․ դիպուկահարի կրակոցից տատն ու 7-ամյա թոռը վիրավորվել են․ ՏԵՍԱՆՅՈՒԹ
Լևոն Քոչարյանի օգնականի խափանման միջոցը փոխվել է
Հասարակություն
27.06.2024 | 19:19
ՀՀ ԱԺ «Հայաստան» խմբակցության պատգամավոր Լևոն Քոչարյանի օգնական Արթուր Սուքոյանի նկատմամբ ընտրված խափանման միջոց տնային կալանքը փոխարինվել է բացակայելու արգելք խափանման միջոցով։
Երևան քաղաքի առաջին ատյանի ընդհանուր իրավասության քրեական դատարանի Ավանի նստավայրում այսօր տեղի են ունեցել Արթուր Սուքոյանի գործով նախնական դատալսումները։
Սուքոյանի փաստաբան Էրիկ Ալեքսանյանը միջնորդություն է ներկայացրել` պահանջելով վերացնել խափանման միջոց տնային կալանքը և որպես խափանման միջոց կիրառել վարչական հսկողությունն ու բացակայելու արգելքը։ Ալեքսանյանը շեշտել է, որ իր պաշտպանյալը պատշաճ վարքագիծ է դրսևորել։
Երևանի ընդհանուր իրավասության քրեական դատարանը` դատավոր Վարդան Գրիգորյանի նախագահությամբ, որոշել է Սուքոյանի նկատմամբ կիրառել բացակայելու արգելք խափանման միջոցը։
Հիշեցնենք, որ ապրիլի 30-ին ՔՊ կուսակցության պաշտոնաթերթ Civic.am-ի լրագրող Դավիթ Լևոնյանը խորհրդարանում լրագրողներին ասել էր, որ Քոչարյանի օգնական Արթուր Սուքոյանն իրեն հարվածել և հայհոյել է իր մասնագիտական գործունեության շրջանակում հրապարակված մի տեսանյութի պատճառով, որն առնչվում է Տավուշի թեմի առաջնորդ Բագրատ արքեպիսկոպոս Գալստանյանին։ Միջադեպից հետո լրագրողը հանցագործության մասին հաղորդում էր ներկայացրել։ Նույն օրը երեկոյան Քննչական կոմիտեն հայտնեց, որ բռնության գործադրմամբ լրագրողի մասնագիտական օրինական գործունեությունը խոչընդոտելու հատկանիշներով նախաձեռնվել է քրեական վարույթ, իսկ Լևոնյանը ճանաչվել է տուժող։ Հաջորդ օրը՝ մայիսի 1-ին, Սուքոյանը ձերբակալվեց, նրան մեղադրանք առաջադրվեց, դատարանը երկու ամսով կալանավորելու որոշում կայացրեց, իսկ հունիսի 6-ին կալանքը փոխվել էր տնային կալանք խափանման միջոցի։
Արփի Հակոբյան
Լրագրողի նկատմամբ բռնություն կիրառելու մեջ կասկածվող Արթուր Սուքոյանը ձերբակալվել է
