12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Նախագահ Ալիևի հետ շատ հստակ ենք՝ եկել է խաղաղություն հաստատելու ժամանակը․ Ջեյմս Օ՛ Բրայեն․ ՏԵՍԱՆՅՈՒԹ
Քաղաքականություն
27.06.2024 | 11:11
ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛ Բրայենը, ելույթ ունենալով Կոնգրեսի Ներկայացուցիչների պալատի արտաքին հարաբերությունների հանձնաժողովի լսումների ժամանակ, անդրադաձել է իր Բաքու կատարելիք այցին։ Հարցին, թե ի՞նչ ուղերձ է նա փոխանցելու Ադրբեջանի նախագահ Իլհամ Ալիևին ու հստակեցնելո՞ւ է, որ լինելու են հետևանքներ Հայաստանի նկատմամբ ցանկանացած սպառնալիքների կամ ապագա ագրեսիայի դեպքում, Օ՛ Բրայենը նշել է, որ եկել է խաղաղություն հաստատելու ժամանակը։
«Նախագահ Ալիևի հետ մենք հետ շատ հստակ ենք՝ եկել է խաղաղություն հաստատելու ժամանակը։ Սա միայն Ադրբեջանի հարցը չէ, որը հուսով է իրեն կհարգեն, որպես գլոբալ լիդերի, քանի որ նրանք հյուրընկալում են COP29-ը, այլև ամբողջ տարածաշրջանի ու Կենտրոնական Ասիայի։ Այս բոլոր երկրները արտահանում են միայն Չինաստանով կամ Ռուսաստանով։ Որպեսզի նրանք ունենան ելք, պետք է աշխատեն Ադրբեջանով։ Մեկ երթուղին անցնում է Վրաստանով Սև ծով, սակայն մյուսը՝ պոտենցիալ ավելի մեծը կանցներ Ադրբեջանով, Հայաստանով և Թուրքիայով, և այդ պատճառով մեզ անհրաժեշտ է խաղաղության պայմանագիր Ադրբեջանի և Հայաստանի միջև՝ վերջ տալու պատերազմին ու սարսափելի հակամարտությանը, որը գոյություն ունի 90-ականներից։ Մեր ուղերձը նրանումն է, որ եկել է խաղաղություն հաստատելու ժամանակը»,-ասել է Պետդեպի պաշտոնյան։
Նա նաև նշել է, որ Իլհամ Ալիևի հետ խոսելու է մարդու իրավունքները հարգելու կարևորության մասին։
«Դա զրույցի շարունակական թեմա է, ներառյալ պետքարտուղար Բլինքենն է նրա հետ վերջին օրերին խոսել և ես անհամբեր սպասում եմ, որ այդ խոսակցությունը նույնպես կշարունակվի»,-ասել է Օ՛ Բրայենը։
Պետդեպը նախօրեին հայտնել էր, որ Օ՛ Բրայենը հունիսի 27-29-ը կմեկնի Ադրբեջանի մայրաքաղաք Բաքու և Խորվաթիայի Դուբրովնիկ քաղաք։ Բաքվում նա հանդիպելու է Ադրբեջանի կառավարության բարձրաստիճան պաշտոնյաներին, այդ թվում՝ նախագահ Իլհամ Ալիևին, ԱԳ նախարար Ջեյհուն Բայրամովին՝ ընդգծելու ԱՄՆ-Ադրբեջան երկկողմ հարաբերություններում առաջընթացը և ԱՄՆ-ի աջակցությունը Հայաստանի և Ադրբեջանի միջև խաղաղության համաձայնագրի կնքմանը։ Նշվում է, որ Օ՛Բրայենը նաև հանդիպելու է քաղաքացիական հասարակության ներկայացուցիչների հետ՝ կրկնելու Ադրբեջանի կողմից մարդու իրավունքների պաշտպանության միջազգային պարտավորություններին հավատարիմ մնալու հրատապությունը:
Էմմա Չոբանյան
