01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
ԵՏՄ-ն ու ԵՄ-ն անհամատեղելի են, արտատարածաշրջանային խաղացողների մուտքը Հայաստան հետևանքներ կունենա․ ՌԴ փոխվարչապետ
Քաղաքականություն
25.06.2024 | 15:26
Եվրասիական տնտեսական միությունն (ԵՏՄ) ու Եվրամիությունն (ԵՄ) անհամատեղելի են, արտատարածաշրջանային խաղացողների մուտքը Հայաստան հետևանքներ կունենա։ Այս մասին հայտարարել է ՌԴ փոխվարչապետ Ալեքսեյ Օվերչուկը՝ ելույթ ունենալով «Պրիմակովյան ընթերցումներ» X միջազգային գիտական փորձագիտական ֆորումում, գրում է ՏԱՍՍ-ը։
«Խոսելով Հայաստանի մասին՝ սխալ կլինի, ինչպես ասում են, աչք փակել այն փաստի վրա, որ այսօր այս երկրի քաղաքական վեկտորն ավելի ու ավելի է թեքվում դեպի Արևմուտք։ Նաև պետք է հասկանալ, որ Եվրամիությունն ու Եվրասիական տնտեսական միությունն անհամատեղելի են։ Եվ այն օգուտները, որոնք ինչ-որ երկիր ստանում է Ռուսաստանի հետ մերձավորությունից, նույնպես պետք է ընկալվի որպես գին, որը մենք վճարում ենք մեր անվտանգության և ռազմավարական խորության համար, ուստի որոշ արտատարածաշրջանային խաղացողների այնտեղ գալը, իհարկե, կունենա հետևանքներ»,-հայտարարել է Օվերչուկը։
