06.10.2026 | 20:09
Մոսկվան հայտարարել է, թե Հայաստանը ցանկանում է Գյումրիից ռազմաբազայի դուրսբերման պատասխանատվությունը «բարդել Ռուսաստանի վրա»
Լալա Մնացականյանի վերջին հրաժեշտը՝ ծափահարություններով․ ՏԵՍԱՆՅՈՒԹ
Հասարակություն
24.06.2024 | 18:15
Այսօր Կոնդի Սուրբ Հովհաննես եկեղեցում վերջին հրաժեշտն են տվել վաստակավոր արտիստ Լալա Մնացականյանին։ Արարողությանը մասնակցում էին նրա հարազատները, մշակույթի և արվեստի գործիչներ, Մնացականյանի արվեստի երկրպագուները:
Դերասանուհին հանկարծամահ է եղել հունիսի 22-ի լուսադեմին: Լալա Մնացականյանը 66 տարեկան էր:
Ծնվել է 1957 թվականի հոկտեմբերի 8-ին Երևանում։ Մայրը՝ Էլիզա Գյուլեսերյանը, եղել է բեմական խոսքի դոցենտ, հայրը՝ Բաբկեն Մնացականյանը՝ մաթեմատիկոս, մաթեմատիկական գիտությունների թեկնածու, դոցենտ։
Լալա Մնացականյանն ավարտել է Երևանի պետական գեղարվեստա-թատերական ինստիտուտի թատրոնի և կինոյի դերասանական բաժինը։ Խաղացել է բազմաթիվ դերեր թատրոնում, կինոյում և հեռուստատեսությունում։ 140 մանրապատումների սցենարիստ է և դերակատար։ 1991 թվականից բեմական խոսք էր դասավանդում Երևանի Կինոյի և թատրոնի պետական ինստիտուտում։
Մանրամասները՝ տեսանյութում։
Անի Թամրազյան
