09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Բլինքենը Ալիևի հետ հեռախոսազրույցում ընդգծել է Հայաստանի հետ առանց հապաղելու խաղաղության համաձայնագրի կնքման կարևորությունը
Քաղաքականություն
21.06.2024 | 00:05
ԱՄՆ պետքարտուղար Էնթոնի Բլինքենն այսօր հեռախոսազրույց է ունեցել Ադրբեջանի նախագահ Իլհամ Ալիևի հետ։ ԱՄՆ Պետքարտուղարության տարածած հաղորդագրության համաձայն՝ կողմերը քննարկել են Հայաստան-Ադրբեջան կարգավորման գործընթացը։
«Պետքարտուղարը նշել է է խաղաղության համաձայնագրի ուղղությամբ Հայաստանի և Ադրբեջանի կողմից շարունակական առաջընթացը և ընդգծել համաձայնագրի անհապաղ կնքման կարևորությունը: Նա կրկնել է, որ Միացյալ Նահանգները հավատարիմ է մնում հետագա ներգրավվածության աջակցմանը ցանկացած ձևով, որը օգտավետ է կողմերի համար»,-ասվում է հաղորդագրության մեջ։
Ընդգծելով ԱՄՆ-ի և Ադրբեջանի երկկողմ հարաբերությունների կարևորությունը՝ Բլինքենը շեշտել է Ադրբեջանի հետ կառուցողական համագործակցությունն ընդհանուր կլիմայական և էներգետիկ նպատակների շուրջ՝ հավելելով, որ Միացյալ Նահանգները հանձնառու է օգնել COP29-ի հաջողությանը: Նա կոչ է արել նորացնել և ամրապնդել երկկողմ հարաբերությունները Միացյալ Նահանգների և Ադրբեջանի միջև։
Բացի այդ ՝ Բլինքենը կրկին հորդորել է Ադրբեջանին հարգել իր միջազգային և մարդու իրավունքների պարտավորությունները և ազատ արձակել բոլոր անարդարացի ձերբակալվածներին։ Նա կոչ է արել Ադրբեջանին դա անել որքան հնարավոր է արագ։
