19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
Ժողովրդավարական ուժերի հարթակը կոչ է անում կազմակերպել հանրաքվե ԵՄ անդամակցության հարցով․ ՏԵՍԱՆՅՈՒԹ
Քաղաքականություն
20.06.2024 | 14:48
«Ժողովրդավարական ուժերի հարթակը» ՀՀ իշխանություններին առաջարկում է 3-4 ամսվա ընթացքում հանրաքվե անցկացնել Եվրամիությանն անդամակցելու վերաբերյալ։ Այս մասին «Ժողովրդավարական ուժերի հարթակի» համաժողովի ընթացքում հայտարարել է «Ազատ քաղաքացի» հասարակական կազմակերպության ղեկավար Հովսեփ Խուրշուդյանը։
Նրա խոսքով` համաժողովը համախմբել է ժողովրդավարական հասարակական կազմակերպությունների և քաղաքական կուսակցությունների ներկայացուցիչների, սակայն «Քաղաքացիական պայմանագրի» ներկայացուցիչը չի կարողացել միանալ հանրաքվեի անցկացման հարցի քննարկմանը։
Նշենք, որ Եվրոպական ինտեգրման հարցերի մշտական հանձնաժողովի որոշմամբ հունիսի 21-ին` ժամը 11:00-ին, ԱԺ նիստերի դահլիճում կանցկացվեն խորհրդարանական լսումներ` «Հայաստանի` Եվրոպական միությանն անդամակցության հայտ ներկայացնելու հարցով հանրաքվե անցկացնելու առաջարկի շուրջ» թեմայով: Լսումներ անցկացնելու նախաձեռնությամբ հանդես է եկել «Ժողովրդավարական ուժերի հարթակը», որը բաղկացած է մի շարք արտախորհրդարանական կուսակցություններից։
