12.03.2026 | 23:35
Վթար Երասխ-Երևան ավտոճանապարհին․ կան տուժածներ
ՀՀ-ում չեմ եղել, երբ կբացահայտվի՝ գնահատական կտամ. Բագրատ Գալստանյանը` «Մարտի 1»-ին գնահատական չտալու մասին․ ՏԵՍԱՆՅՈՒԹ
Քաղաքականություն
19.06.2024 | 14:20
Այսօր հրավիրված մամուլի ասուլիսին Factor TV-ն Բագրատ արքեպիսկոպոս Գալստանյանից հետաքրքրվեց՝ հունիսի 12-ը «Մարտի 1»-ի հետ համեմատելով ինչո՞ւ մինչ օրս որևէ գնահատական չի տվել ու չի դատապարտվել «Մարտի 1»-ն ու 10 քաղաքացիների սպանությունը։ Գալստանյանը հայտարարեց, թե չկա բացահայտում, ուստի՝ չի կարող գնահատական տալ՝ շեշտելով, որ այդ իրադարձությունը ողբերգություն է։
««Մարտի 1»-ը բացահայտելու հնարավորություն ուներ այս իշխանությունը, երբ իրենք կբացահայտեն և գնահատական կտան՝ ես էլ ինձ իրավունք կվերապահեմ գնահատական տալու»,- ասաց նա։
Հիշեցնենք՝ հունիսի 12-ին ոստիկանությունը լուսաձայնային նռնակներ կիրառեց Նիկոլ Փաշինյանի հրաժարականը պահանջող ցուցարարների ուղղությամբ։ Հունիսի 17-ի հանրահավաքին շարժման առաջնորդը ուժայինների իրականացրած գործողությունները նույնացրեց Ռոբերտ Քոչարյանի իշխանության վերջին օրերի՝ 2008-ի «Մարտի 1»-ի արյունալի իրադարձությունների հետ։
Բագրատ Գալստանյանը հունիսի 12-ի պատասխանատու համարում է Նիկոլ Փաշինյանին։ Factor TV-ն հետաքրքրվեց իսկ ո՞ւմ է համարում «Մարտի 1»-ի պատասխանատու։ Նա կրկին խուսափողական պատասխան տվեց։
«Ես ինչպես եմ առաջ ընկնելու որևէ մեկից իմ սեփական գնահատականը տալու․․․ ես քաղաքական մարդ չեմ, որ քաղաքական գնահատական տամ»,- ասաց նա։
Մանրամասները՝ տեսանյութում։
