14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
«Չեմ հավատում». քաղաքացիները՝ սննդի էժանացման վիճակագրության մասին․ ՏԵՍԱՆՅՈՒԹ
Տնտեսություն
18.06.2024 | 19:13
Այս տարվա մայիսին նախորդ տարվա նույն ամսվա համեմատ Հայաստանում սպառողական գների ինդեքսն աճել է 0,3 %-ով։ Այս մասին Factor.am-ը տեղեկանում է ՀՀ Վիճակագրական կոմիտեի հրապարակած տվյալներից։ Իսկ սննդամթերքի ոլորտում գնանկում է նկատվել՝ 2.0 %։
2024 թ. մայիսին 2023 թ. մայիսի համեմատ ոչ պարենային ապրանքների շուկայում գների մակարդակը մնացել է անփոփոխ, իսկ 2024 թ. ապրիլի համեմատ գրանցվել է 0.4% գնանկում:
2024 թ. մայիսին 2023 թ. մայիսի համեմատ հանրապետությունում գրանցվել է բենզինի 39.1% և դիզելային վառելիքի 6.2% գնաճ:
Բնակչությանը մատուցված ծառայությունների ոլորտում 2024 թ. մայիսին 2023 թ. մայիսի համեմատ սակագներն աճել են 2.3%-ով, իսկ 2024 թ. ապրիլի համեմատ արձանագրվել է 0.3% գնանկում:
2024 թ. մայիսին ապրիլի համեմատ հանրապետության դիտարկվող բնակավայրերում բնակչությանը մատուցված ծառայությունների սակագները նվազել են 0.4-0.1%-ով: Մայրաքաղաքում բնակչությանը մատուցված ծառայությունների սակագները նվազել են 0.3%-ով:
Հիշեցնենք, որ ԿԲ նախագահը օրերս ունեցած իր ասուլիսում նշեց, որ տարեվերջին գնաճն ավելի բարձր կլինի։
«Տարվա վերջին գնաճն ավելի բարձր կլինի, ու մենք կմոտենանք 2-2.5%–ի՝ նայած ինչ զարգացումներ կլինեն գյուղատնտեսությունում։ Երբ Կենտրոնական բանկը կանխատեսում է, որ գնաճն ավելի բարձր է լինելու, մենք պլանավորում ենք, որ միջնաժամկետում գնաճը պետք է բերվի թիրախին` 4%–ի։ Միևնույն ժամանակ մենք ուզում ենք հարթ քաղաքականություն վարել ու չենք ուզում շատ կտրուկ քայլեր անել։ Օրինակ, երբ 2 տարի առաջ համավարակով պայմանավորված կտրուկ գնաճ էր գրանցվել, մենք տոկոսադրույքը կտրուկ չենք բարձրացրել, դա հետևողականորեն ենք արել»,-նշեց Գալստյանը։ Նա վստահեցրեց` մյուս տարվա ընթացքում ՀՀ-ն արդեն կմոտենա 4% մակարդակին, ինչը, ըստ Գալստյանի, խելամիտ մակարդակն է։
Արդյո՞ք Երևանի բնակիչները նկատել են սննդամթերքի էժանացումն ու պատրաստ են հնարավոր թանկացումներին։ Factor TV-ն զրուցել է քաղաքացիների հետ։
Մանրամասները՝ տեսանյութում։
