11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
ՆԱՏՕ-ի գլխավոր քարտուղարը Չինաստանին սպառնացել է տնտեսական հետևանքներով ՌԴ-ին ռազմական աջակցության համար
Քաղաքականություն
18.06.2024 | 14:54
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Չինաստանի օգնությունը Ռուսաստանին Ուկրաինայում պատերազմ մղելու հարցում չպետք է անպատիժ մնա։ Եթե Չինաստանը «չփոխի իր վարքագիծը, ապա ինչ-որ փուլում [ՆԱՏՕ-ի երկրները] պետք է դիտարկեն դրա տնտեսական հետևանքները,- ասել է նա BBC-ին տված հարցազրույցում:
Պեկինը շարունակում է պնդել, որ մահաբեր զենք չի վաճառում Ռուսաստանին, և որ նա պատասխանատու կերպով առևտուր է անում երկակի նշանակության ապրանքներով։ Սակայն, ըստ Ստոլտենբերգի, Չինաստանը մատակարարում է «շատ տեխնոլոգիաներ, միկրոէլեկտրոնիկա, որոնց կարիքը Ռուսաստանը ծայրահեղ շատ ունի Ուկրաինայում օգտագործվող հրթիռներն ու զենքերը արտադրելու համար»: Այդ պատճառով էլ դաշինքը «քննարկում է» հնարավոր պատժամիջոցները։
Մինչ այս, դրանք կիրառվում են հիմնականում Միացյալ Նահանգների կողմից (մայիսին ԱՄՆ-ը հայտարարեց պատժամիջոցների մասին 20 ընկերությունների դեմ մայրցամաքային Չինաստանում և Հոնկոնգում), անցյալ շաբաթ ԱՄՆ-ին միացավ նաև Միացյալ Թագավորությունը, որը ևս պատժամիջոցներ կիրառեց մի քանի չինական ընկերությունների դեմ:
Չինաստանի իշխանությունները փորձում են նստել երկու աթոռի վրա՝ օգնելով Ռուսաստանին պատերազմի հարցում, միևնույն ժամանակ, փորձելով պահպանել նորմալ տնտեսական հարաբերությունները Եվրոպայի հետ, հավելել է Ստոլտենբերգը։
«Սա չի կարող աշխատել երկարաժամկետ հեռանկարում»,- նախազգուշացրել է պաշտոնյան:
