26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
«Ուկրաինայի խաղաղության գագաթնաժողովին» Արմեն Գրիգորյանի ելույթ նախատեսված չի եղել․ ԱԽՔ գրասենյակ
Քաղաքականություն
17.06.2024 | 13:37
«Ի սկզբանե միայն նախատեսված է եղել ՀՀ ԱԽ քարտուղար Արմեն Գրիգորյանի մասնակցությունն «Ուկրաինայի խաղաղության գագաթնաժողովին», ելույթ նախատեսված չի եղել»,- այս մասին Factor.am-ին հայտնեցին Անվտանգության խորհրդից՝ անդրադառնալով ուկրաինական պարբերականերից մեկի հրապարակմանը, թե Արմեն Գրիգորյանը հրաժարվել է ելույթ ունենալ Շվեյցարիայում տեղի ունեցած «Ուկրաինայի խաղաղության բանաձև գագաթնաժողովի» երկրորդ լիագումար նիստին։
ԱԽ գրասենյակից նաև նշել են, որ ելույթի մասին նախագահողի հայտարարությունը տեխնիկական խնդիր է եղել:
Հիշեցնենք, որ «Ուկրաինայի խաղաղության բանաձև գագաթնաժողովի» արդյունքներով հռչակագիր է ընդունվել։ Հունիսի 16-ին Շվեյցարիայում անցկացված Ուկրաինայի հարցով գագաթնաժողովի եզրափակիչ հռչակագրին աջակցել են հավաքի մասնակից 100 պատվիրակություններից 84-ը։ Ըստ Swissinfo-ի՝ Հայաստանն այդ երկրների շարքում չէ:
Մանյա Պողոսյան
