31.10.2024 | 23:28
PKK-ի բարձրաստիճան ղեկավարն Անկարայի հետ խաղաղության նոր գործընթացը կապում է Օջալանի «ֆիզիկական ազատության» հետ
ԱԱԾ-ն ընդդիմադիր շարժման աջակիցներին հորդորում է պահպանել օրինականությունը
Հասարակություն
12.06.2024 | 11:59
ՀՀ ազգային անվտանգության ծառայությունը սահմանադրական կարգի պահպանման իր գործառույթի շրջանակներում հորդորում է 2024 թվականի ապրիլի 4- ից սկիզբ առած «Տավուշը հանուն հայրենիքի» շարժման աջակիցներին պահպանել օրինականությունը և չոտնձգել իրավակարգի դեմ։
«Հաշվի առնելով ազգային անվտանգության ծառայության՝ սահմանադրական կարգը ցանկացած ոտնձգությունից պահպանելու առաքելությունը՝ վերահաստատում ենք, որ ոչ իրավաչափ ցանկացած վարքագիծ չեզոքացվելու է օրենքով սահմանված ողջ գործիքակազմի կիրառմամբ»,-ասված է հաղորդագրության մեջ։
Հիշեցնենք՝ «Տավուշը հանուն հայրենիքի» շարժումն այսօր ժամը 15։00-ին Բաղրամյան-Դեմիրճյան խաչմերուկում հավաք է նախատեսում, իսկ ԱԺ-ում վարչապետ Փաշինյանի մասնակցությամբ ընթանում է 2023-ի պետբյուջեի կատարողականի քննարկումը։
