Աննա Դանիբեկյանն ինքնաբացարկի միջնորդություն ներկայացրեց Կարեն Անդրեասյանին

Երևանի ընդհանուր իրավասության դատարանի դատավոր Աննա Դանիբեկյանն իր վերաբերյալ կարգապահական վարույթի գործով ինքնաբացարկի միջնորդություն ներկայացրեց ԲԴԽ նախագահ Կարեն Անդրեասյանին ու խորհրդի մյուս բոլոր անդամներին` բացի նորընտիր անդամներ Մերի Համբարձումյանից և Արմեն Դանիելյանից:

Ըստ դատավորի` ԲԴԽ անդամները կանխակալ վերաբերմունք ունեն գործի նկատմամբ:

Դանիբելյանի վերաբերյալ վարույթը հարուցվել է ԲԴԽ աշխատակազմ Դատական դեպարտամենտի հրապարակած ֆիլմից հետո, որում դատավորին մեղադրում են Հայաստանի երկրորդ նախագահ Ռոբերտ Քոչարյանի քրեական գործը տապալելու մեջ:

Մինչ ֆիլմի հրապարակումը ԲԴԽ նախագահ Կարեն Անդրեասյանը Հանրային հեռուստաընկերությանը տված հարզացրույցում խոսել է այն մասին, որ ինքն է Դատական դեպարտամենտի իր գործընկերներին խնդրել ֆիլմ պատրաստել:

Մեջբերելով Անդրեասյանի` հարցազրույցի ընթացքում հնչեցրած մտքերը, Դանիբեկյանը եզրակացրեց, որ ֆիմը, որում ինքը «մեղավոր է ճանաչվել» պատրաստվել է ԲԴԽ նախագահ Կարեն Անդրեասյանի նախաձեռնությամբ և նպատակ է հետապնդել պստասխանատվության ենթարկելու այն դատավորներին, որոնք ուսումնասիրության արդյունքում մեղավոր կճանաչվեն:

Արդարադստության նախարարությունը դիրքորոշում հայտնեց, որ Դատական դեպարտամենտը իր գործառույթն է իրականացրել:

Նշենք, որ մինչ Դանիբեկյանի կողմից ներակայացված միջնորդությունը Կարեն Անդրեասյանն ինքն էր առաջինն անդրադարձել իր տված հարցազրույցին ու կողմերին վստահեցրել, որ ինքը կամ խորրդի որևէ այլ անդամ Դեպարտամենտի կողմից հավաքված տեղեկությանը չի տիրապետել, դրա բովանդակությանը որևէ կերպ չի միջամտել, իր առնչությունն այս գործընթացին սահմանափակվում է նրանով, որ գործընկերներին առաջարկել է առավել հասկանալի և մանրամասն տեղեկություն տրամադրել հանրությանն այս գործի վերաբերյալ։

Որոշվեց ԲԴԽ անդամների ինքնաբացարկի հարցերին առանձին-առանձին անդրադառնալ: Այժմ խորհուրդը հեռացավ խորհրդակցական սենյակ` Կարեն Անդրեասյանին ներկայացված բացարկի վերաբերյալ որոշում կայացնելու:

Արաքս Մամուլյան