16.09.2026 | 12:59
Ռուսաստանը երկու անգամ փորձել է Մոլդովայի օդային տարածքում հարձակվել իմ ինքնաթիռի վրա․ Զելենսկի
ՌԴ ԱԳՆ-ն հայտարարել է, թե Հայաստանի որոշման պատճառով ՀԱՊԿ-ի բյուջեի ճշգրտման անհրաժեշտություն է առաջացրել
Քաղաքականություն
10.06.2024 | 11:29
ՀԱՊԿ-ի բյուջեի ճշգրտման անհրաժեշտություն կա՝ հաշվի առնելով, որ Հայաստանի հրաժարվում է հաշվարկային վճարումը կատարելուց: Այս մասին ՌԻԱ Նովոստիին հայտնել են ՌԴ ԱԳՆ-ից՝ մեկնաբանելով ՀՀ ԱԳՆ մամուլի խոսնակ Անի Բադալյանի՝ ավելի վաղ արված հայտարարությունը, որ Երևանը որոշել է ձեռնպահ մնալ կազմակերպության ֆինանսավորմանը մասնակցելուց։
«Հաշվի առնելով Հայաստանի ղեկավարության հրաժարումը՝ կատարել հաշվարկված վճարումը, պահանջվում է ճշգրտել ՀԱՊԿ-ի ընթացիկ տարվա բյուջեն»,- հայտնել են ՌԴ ԱԳՆ-ում՝ հավելելով, որ ներկայում մշակվում է Հավաքական անվտանգության խորհրդի համապատասխան որոշման նախագիծը։
Միաժամանակ, նշվում է, որ վճարումների վերաբաշխման մասին խոսք չի գնում։
«Որոշ չափորոշիչների համաձայն՝ ՀԱՊԿ քարտուղարությունը և ՀԱՊԿ Միացյալ շտաբը կրճատել են իրենց ծախսերը, բայց, նախ և առաջ, Երևանի կողմից համապատասխան կառույցներում իր աշխատակիցներին քվոտային պաշտոններում չնշանակելու պատճառով»,- նշել են ՌԴ ԱԳՆ-ից՝ հավելելով, որ աշխատանքները կշարունակվեն սովորականի պես, և ինչ-որ տեղ ՀԱՊԿ քարտուղարությունը կօգտագործի առկա պահուստները։
ՌԴ ԱԳՆ-ից նաև հայտարարել են, թե Երևանը նախկինում ունեցել է բյուջեի վճարումների պարտքեր։ Այդ ժամանակ ՀԱՊԿ-ի ֆինանսավորման խնդիրները լուծվել են պահուստների հաշվին, և «պարտապանը» հետագայում մարել է պարտքը։
«Ամեն դեպքում, մենք ելնում ենք նրանից, որ Երևանը պարտավորվում է կատարել ֆինանսական պահանջները՝ համաձայն կազմակերպության կանոնադրության և ՀԱՊԿ անդամ երկրների ղեկավարների կողմից հաստատված այլ փաստաթղթերի»,- ասել են Ռուսաստանի ԱԳՆ-ից։
Նշում է, որ Հայաստանի վճարումը ՀԱՊԿ-ում 2024 թվականին 53,22 մլն ռուբլու չափով է։
