14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
«004 II 01» համարանիշով մեքենան որևէ պաշտոնատար անձի կցված չէ, առերևույթ իրավախախտման դեպքն ուսումնասիրվում է․ ՆԳՆ
05.06.2024 | 17:42
Օրեր առաջ «Տավուշը հանուն հայրենիքի» շարժման ֆեյսբուքյան էջում 13 վայրկյան տևողությամբ տեսանյութ էր հրապարակվել, որին կից գրառում կար՝ «ՆԳ նախարարի տեղակալին թույլատրելի՞ է նման կերպ կայանել մեքենան»։ Տեսանյութում երևում է, որ «004 II 01» համարանիշով մեքենան կայանված է հետիոտնային անցման վրա։
Հրապարակված տեսանյութի վերաբերյալ Factօr.am-ը փորձել է պարզաբանումներ ստանալ Ներքին գործերի նախարարությունից։ Խնդրել էինք տեղեկացնել՝ արդյոք «004 II 01» համարանիշով մեքենան պատկանում է ՆԳ նախարարի տեղակալներից որևէ մեկին։
Factօr.am-ի գրավոր հարցմանն ի պատասխան ՆԳ նախարարության հանրային հաղորդակցության և իրազեկման վարչությունից մեկնաբանել են, որ «004 II 01» համարանիշով տրանսպորտային միջոցը գրանցված է ՀՀ Ներքին գործերի նախարարության հաշվեկշռում և օգտագործվում է նախարարության կարիքների սպասարկման նպատակով։
Նախարարությունից հայտնել են, որ մեքենան ամրացված չէ որևէ կոնկրետ պաշտոնատար անձի։
Ինչ վերաբերում է հարցին՝ մեքենան արդյո՞ք թույլատրելի հատվածում է կայանված, ՆԳՆ-ից պատասխանել են․ «Տեսանյութում առկա առևերույթ իրավախախտման դեպքն այժմ ուսումնասիրվում է, համապատասխան վարչարարություն իրականացնելու նպատակով»։
Մանյա Պողոսյան
