06.10.2026 | 15:29
Դատական նիստում հայհոյելու գործով Վարդան Ղուկասյանն արդարացվել է, որդու արարքը՝ վերաորակվել
Բայրամովը հաստատել է՝ Բաքուն ստացել է խաղաղության պայմանագրի վերաբերյալ ՀՀ-ի առաջարկների փաթեթը
Քաղաքականություն
05.06.2024 | 14:10
Ադրբեջանի ԱԳ նախարար Ջեյհուն Բայրամովը Բաքվում Հունգարիայի ԱԳ նախարար Պետեր Սիյատրոյի հետ մամուլի ասուլիսում հաստատել է, որ Հայաստանից ստացվել է խաղաղության պայմանագրի վերաբերյալ հերթական առաջարկների փաթեթը։
«Ես տեղեկացրել եմ բանակցային գործընթացի առաջընթացի, խաղաղության գործընթացի շուրջ բանակցությունների, Ալմաթիի հանդիպման մասին: Մինչ այդ, Ադրբեջանը Հայաստանին էր ներկայացրել համաձայնագրի հաջորդ նախագիծը, որի շուրջ բանակցություններ են եղել Ալմաթիում: Մի քանի օր առաջ Հայաստանի կողմից ստացանք խաղաղության հերթական նախագիծը»,- ասել է Բայրամովը։
Նա հավելել է, որ առկա բաց հարցերի թվի նվազում է նկատվում։
«Մի շարք կետերում դրական զարգացում է նկատվում։ Այսինքն՝ մենք այստեղ դրական դինամիկա ենք նկատում»,- ասել է Ադրբեջանի ԱԳ նախարարը։
Հիշեցնենք, որ ՀՀ ԱԳՆ մամուլի խոսնակ Անի Բադալյանը ավելի վաղ Factor.am-ին հայտնել էր, որ Հայաստանը պատասխանել է խաղաղության պայմանագրի նախագծի վերաբերյալ Ադրբեջանի վերջին առաջարկներին՝ ուղարկելով լրամշակված` 9-րդ խմբագրությունը:
