07.10.2026 | 23:48
Արթուր Դանիելյանը կալանավորվեց
ԱՄՆ-ը ՄԱԿ-ին կոչ է արել աջակցել Գազայի խաղաղության ծրագրին
Քաղաքականություն
04.06.2024 | 20:46
ԱՄՆ-ը ՄԱԿ-ի Անվտանգության խորհրդի քննարկմանն է ներկայացրել Գազայի հատվածում հրադադարի մասին բանաձևի նախագիծը՝ երկու կողմերի կողմից հրադադարի ամբողջական դադարեցման և պատանդների վերադարձի մասին համաձայնագրի միջոցով, գրում է BBC-ի ռուսական ծառայությունը։
«Առաջարկված ծրագիրն արդեն ստացել է մի շարք երկրների հավանությունը, այդ թվում՝ Մերձավոր Արևելքում։ Մենք կոչ ենք անում Անվտանգության խորհրդին նույնպես աջակցել մեր նախաձեռնությանը և անհապաղ հաստատել խաղաղության առաջարկվող ծրագիրը՝ առանց որևէ լրացուցիչ պայմանների»,- ասել է ՄԱԿ-ում Վաշինգտոնի դեսպան Լինդա Թոմաս-Գրինֆիլդը:
Երեքշաբթի բանաձևի նախագծին աջակցություն է հայտնել նաև ՄԱԿ-ի Մարդու իրավունքների գերագույն հանձնակատար Ֆոլքեր Թյուրքը՝ Գազայի հատվածում իրավիճակը որակելով «աղետի ասհմաններից դուրս եկող»:
Ըստ Թյուրքի՝ Գազայի հատվածում մարտերի ընթացքում կոպտորեն խախտվել են ընդունված միջազգային նորմերը և պատերազմի սովորույթները, և ՄԱԿ-ը ողջունում է ցանկացած նախաձեռնություն, որն ուղղված է հրադադարին:
«Միակ հույսն այն է, որ զինադադար ձեռք կբերվի, քանի որ հումանիտար իրավիճակը… ես նույնիսկ չգիտեմ՝ ինչպես նկարագրել այն։ Դա պարզապես թելից կախված չէ, այն արդեն աղետի եզրին է»,- լրագրողներին ասել է Թյուրքը:
Բանաձևի ընդունման համար այն պետք է ստանա առնվազն ինը ձայն Անվտանգության խորհրդում՝ պայմանով, որ փաստաթուղթը չի արգելափակվի Խորհրդում վետոյի իրավունք ունեցող հինգ երկրներից որևէ մեկի կողմից։ Այդ երկրներն են՝ Մեծ Բրիտանիան, Չինաստանը, Ռուսաստանը, Միացյալ Նահանգները և Ֆրանսիան:
