05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Պատմության թանգարանի առաջ արձաններ դնել չի կարելի, փնտրտուքներ անել պետք չէ․ ճարտարապետ․ ՏԵՍԱՆՅՈՒԹ
Հասարակություն
29.08.2018 | 17:26
Ճարտարապետ Անուշ Տեր-Մինասյանն այն համոզման է, որ Հանրապետության հրապարակն իր ամբողջ համալիրով հուշարձան է, հետևաբար, նախքան Ազգային պատկերասրահի մուտքի մոտ արձաններ տեղադրելը, պետք է հասկանալ՝ արդյոք դրանք չե՞ն խաթարում այդ համալիրի արժեքն ու արտաքին տեսքը։ Այսօր հրավիրված մամուլի ասուլիսի ժամանակ, անդրադառնալով Ազգային պատկերասարհի գլխավոր մուտքի մոտ արձաններ տեղադրելու մասին որոշմանը, ասաց ճարտարապետը։
Հիշեցնենք, որ Հայաստանի ազգային պատկերասրահի և Պատմության թանգարանի մուտքի աջ և ձախ կամարների տակ արձաններ տեղադրելու հարցին երեկ անդրադարձել է Մշակույթի նախարար Լիլիթ Մակունցը և շեշտել, որ այդ նախագիծը գիտամեթոդական նիստն առանձին քննարկման փուլում քննել է և արդյունքում պարզ է դարձել, որ սկզբունքորեն այդտեղ չկա որևէ իրավախախտման հանգամանք, և նիստը չի առարկել այն գաղափարին, որ այդտեղ կարելի է արձաններ տեղադրել:
Ճարտարապետ Անուշ Տեր-Մինասյանը, սակայն, նկատում է, որ Ազգային պատկերասարահի գլխավոր առանձնահատկություններից է հենց այդ ճեմասրահը, որտեղ պետք չէ որևէ նոր բան ավելացնել, ինչը համարեց արատավոր պրակտիկայի արդյունք։
«Ասում են՝ բարերարն ուզել է, բարերարը, եթե ուզում է, նման բան անել, կարող է այն անել իր տան բակում, վերջ պետք է տալ սրան»,- ասաց ճարտարապետը՝ հավելելով, որ Պատմության թանգարանի առաջ արձաններ դնել չի կարելի և փնտրտուքներ անելի պետք չէ։
Մանրամասները տեսանյութում։
