Քաղաքականություն
03.06.2024 | 11:43
Վրաստանի խորհրդարանի նախագահ Շալվա Պապուաշվիլին ստորագրել է «Օտարերկրյա ազդեցության թափանցիկության մասին» օրենքը։
Նա նշել է, որ այս օրենքի հիմնական նպատակն է՝ ուժեղացնել Վրաստանի քաղաքական, տնտեսական և սոցիալական համակարգերի դիմադրողականությունն արտաքին միջամտության դեմ։
Նշենք, որ շաբաթներ շարունակ Թբիլիսիում բողոքի ցույցեր էին անցկացվում «օտարերկրյա գործակալների մասին օրենք» անվանումը ստացած օրինագծի ընդունման դեմ։ Նախագահ Սալոմե Զուրաբիշվիլին վետո էր դրել օրենքի վրա, սակայն խորհրդարանը հաղթահարեց այն։
Չնայած երկրի ներսում աճող դիմադրությանը, ԱՄՆ-ի կողմից պատժամիջոցների սպառնալիքին և Բրյուսելի նախազգուշացմանը, որ օրենքի ընդունումը կբարդացնի Վրաստանի եվրաինտեգրումը, երկրի իշխող կուսակցությունը, այնուամենայնիվ, չհրաժարվեց վետոն չեղարկելուց։
