14.10.2026 | 13:14
Սաուդյան Արաբիան հայտնել է նավթային հսկա Aramco-ի շենքին հութիների հրթիռային հարվածների մասին․ չորս մարդ է վիրավորվել
Ազգային պատկերասրահի մոտ տեղադրվող արձանները կարող են ազդել հրապարակի արտաքին տեսքի վրա․ ՏԵՍԱՆՅՈՒԹ
Հասարակություն
29.08.2018 | 17:02
Ազգային պատկերասրահի գլխավոր մուտքի մոտ տեղադրվող արձանները և այդ տարածքում ցանկացած միջամտություն կարող են ազդել Հանրապետության հրապարակի արտաքին տեսքի վրա։ Այս մասին այսօր հրավիրված մամուլի ասուլիսի ժամանակ ասաց ճարտարապետ Գուրգեն Մուշեղյանը՝ անդրադառնալով Ազգային պատկերասրահի մուտքի մոտ տեղադրվող արձանների խնդրին։
Ճարտարապետը պնդում է, որ սխալ է նախքան մասնագիտական քննարկում անցկացնելը նման կարևորագույն նախագիծը ներկայացնել հանրային քննարկման։
«Նախ պետք է առաջադրանքը ձևավորվի, թե մենք ի՞նչ ենք ուզում էստեղ, որից հետո նոր մրցույթ ձևավորվի, բայց այսօր հասարակության վրա դնել հարցը, թե հասարակությունը համամի՞տ է, թե՞ ոչ, չի կարելի, քանի որ կան օրենսդրական փաստեր, որոնք պետք է լուծվեն օրենքի և որոշ կարգերի շրջանակներում»,- ասաց ճարտարապետը։
Գուրգեն Մուշեղյանը նաև ընդգծեց, որ Ազգային պատկերասարհի մուտքի մոտ նախքան արձաններ տեղադրելը պետք է հասկանալ որքանով են այդ հայտնի մարդիկ առնչվում Ազգային պատկերասրահի հետ։
Մանրամասները՝ տեսանյութում։
