Հասարակություն
03.06.2024 | 12:09Երևան քաղաքի ընդհանուր իրավասության դատարանը՝ դատավոր Հարություն Մանուկյանի նախագահությամբ, հրապարակեց ՀՀ նախկին փոխոստիկանապետ Լևոն Երանոսյանի գործով վճիռը։ Երանոսյանը մեղավոր ճանաչվեց և 4 տարվա ազատազրկման դատապարտվեց, սակայն համաներմամբ ազատ արձակվեց պատժի կրումից:
Նշենք՝ մեղադրող դատախազ Շահբազյանը նախկին փոխոստիկանապետի համար մեղադրական ճառի ժամանակ 11 տարվա ազատազրկում էր պահանջել։
Հիշեցնենք, որ համաձայն մեղադրական եզրակացության՝ Լևոն Երանոսյանը հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։ Երանոսյանն իրեն առաջադրված մեղադրանքը չի ընդունում, հայտարարում է, որ ոստիկանության գործողությունների արդյունքում է հնարավոր եղել ապահովել իշխանության անցնցում փոխանցումը։
Մանրամասները՝ տեսանյութում։
