06.10.2026 | 18:02
Ֆրանսիայում դպրոցական բողոքի ցույցերի ընթացքում բախումներ են գրանցվել ոստիկանության հետ․ մի դեռահաս կորցրել է ձեռքը
Հայաստանի հետ սահմանազատման վերջին պայմանավորվածությունները դրական են ազդել կարգավորման գործընթացի վրա․ Բայրամով
Քաղաքականություն
30.05.2024 | 12:57
Ադրբեջանի ԱԳ նախարար Ջեյհուն Բայրամովն այցով Պակիստանում է։ Իսլամաբադում իր պակիստանցի գործընկեր Մուհամմադ Իսհակ Դարի հետ համատեղ մամուլի ասուլիսի ժամանակ Բայրամովը հայտարարել է, որ Հայաստանի հետ վերջին պայմանավորվածությունները սահմանազատման վերաբերյալ «դրական ազդեցություն են ունեցել երկու երկրների հարաբերությունների կարգավորման գործընթացի վրա», գրում են ադրբեջանական լրատվամիջոցները։ Նա հավաստիացրել է, որ Ադրբեջանը հավատարիմ է մնում խաղաղության գործընթացին։
«Մենք հուսով ենք, որ խաղաղության գործընթացը կնպաստի տարածաշրջանում խաղաղության և անվտանգության հաստատմանը։ Այսօր ես իմ գործընկերոջը ներկայացրեցի տարածաշրջանում հետհակամարտային իրավիճակի, Ադրբեջանի կողմից իրականացվող վերականգնման աշխատանքների, ինչպես նաև ականների պահպանվող սպառնալիքի մասին։ Վերջին պայմանավորվածությունները սահմանազատման վերաբերյալ ու Ադրբեջանին չորս գյուղերի վերադարձը դրական ազդեցություն ունեցան հարաբերությունների կարգավորման գործընթացի վրա»,- ասել է Բայրամովը։
