04.06.2026 | 22:22
Սամվել Կարապետյանը հաղթելու է և տեղափոխվի Հայաստան. Նարեկ Կարապետյան. ՏԵՍԱՆՅՈՒԹ
300 մլն դրամ Լոռու և Տավուշի հեղեղումից տուժած համայնքներին` հրատապ խնդիրների լուծման համար
Տնտեսություն
28.05.2024 | 11:12
Կառավարությունը որոշում է կայացրել 300 մլն դրամ հատկացնել Լոռու և Տավուշի մարզերում հեղեղումներից տուժած համայնքներում հրատապ խնդիրների լուծման համար։ Կառավարության որոշումը հրապարակվել է e-gov.am կայքում։
Որոշմամբ նաև սահմանվել են Լոռու և Տավուշի մարզերի մի շարք համայքներում հայտարարված աղետի գոտիները և դրանց տարածքները։ Ըստ այդ ցանկի՝ աղետի գոտում են գտնվում Լոռու 6 և Տավուշի 3 համայնքներ։ Լոռու մարզից մասնավորապես՝ Թումանյան քաղաքը, Փամբակ համայնքը, որը ներառում է Ձորագետ և Վահագնաձոր գյուղերը, Ալավերդի համայնքը՝ Ալավերդի, Աղթալա, Շամլուղ քաղաքներով և Ախթալա, Բենդիկ, Թեղուտ, Հաղպատ, Ճոճկան, Մեծ Այրում, Նեղոց, Շնող, Փոքր այրում, Քարկոփ գյուղերով։ Տաշիր համայնքից աղետի գոտում են գտնվում Տաշիր քաղաքը և Դաշտադեմ, Մեծավան, Նորաշեն, Սարատովկա գյուղերը։ Կառավարության հրապարակած ցանկի համաձայն՝ աղետի գոտում է նաև Ստեփանավան համայնքը Ստեփանավան քաղաքով, Գյուլագարակ համայնքն իր Ամրակից և Հոբարձի գյուղերով։
Տավուշի մարզից աղետի գոտում են Դիլիջան համայնքը, որը ներառում է Դիլիջան քաղաքն ու Հաղարծին գյուղը, Իջևան համայնքը, որ ներառում է մարզկենտրոնն ու Աչաջուր, Գանձաքար, Գետահովիտ, Դիտավան, Լուսաձոր, Խաշթառակ գյուղերը։ Նոյեմբերյան համայնքը ևս աղետի գոտում է, որը ներառում է Արճիս, Բագրատաշեն, Դեբեդավան, Հաղթանակ, Պտղավան գյուղերը։
Անի Թամրազյան
