23.11.2024 | 15:30
ՄԻՊ-ը փաստաբանական գործունեության հարկման հետ կապված դիմել է ՍԴ
ԱՄՆ-ը ողջունում է Հայաստանի և Ադրբեջանի միջև կայուն խաղաղության հասնելու ուղղությամբ աշխատանքը․ Բլինքեն
Քաղաքականություն
28.05.2024 | 11:28
ԱՄՆ-ը ողջունում է այն աշխատանքը, որը տարվել է Հայաստանի և Ադրբեջանի միջև խաղաղության հասնելու համար։ Այս մասին ասվում է ԱՄՆ պետքարտուղար Էնթոնի Բլինքենի՝ Ադրբեջանի անկախության օրվա առիթով շնորհավորանքում։
«Միացյալ Նահանգները ողջունում է այն աշխատանքը, որը կատարվել է Հայաստանի և Ադրբեջանի միջև կայուն և արժանապատիվ խաղաղության հաստատման ուղղությամբ, և մենք շարունակում ենք պատրաստ լինել՝ աջակցել այդ ջանքերին, շրջել երկարամյա հակամարտության էջը և կառուցել ավելի լավ ապագա։ Մենք լիովին հավատարիմ ենք այս նպատակին, որը կուժեղացնի կապը և տնտեսական օգուտներ կբերի ամբողջ տարածաշրջանին»,- ասվում է հայտարարության մեջ։
Նա նաև վերահաստատել է Միացյալ Նահանգների աջակցությունը Ադրբեջանի անկախությանը, տարածքային ամբողջականությանը և ինքնիշխանությանը։
«Մեր համագործակցությունը կշարունակվի Ադրբեջանի ժողովրդավարական զարգացման և մարդու իրավունքների ու հիմնարար ազատությունների հարգման ուղղությամբ՝ Ադրբեջանի Սահմանադրությանը համապատասխան»,- նշել է ԱՄՆ պետքարտուղարը։
