03.07.2026 | 23:10
Կենտրոնում փոշու պարունակությունը գերազանցել է սահմանային թույլատրելի կոնցենտրացիան
Վեճ Հյուսիսային պողոտայում. ոստիկանները երաժիշտներին արգելեցին նվագել. ՏԵՍԱՆՅՈՒԹ
Հասարակություն
28.08.2018 | 21:48
Հյուսիսային պողոտայում երեկվանից բոլոր երաժիշտներին ոստիկաններն արգելել են նվագել ու այդպիսով գումար հավաքել:
Այսօր արտերկրից եկած մի քանի երաժիշտներ փորձեցին նվագել, քիչ անց նրանց մոտեցան ոստիկանները, որոնք կրկին հորդորեցին լքել այդ տարածքը:
Պատճառն, ըստ ոստիկանների, աղմուկն է ու բնակիչների բողոքը:
Նկարահանման պահին բնակիչներից մեկն էլ եկավ ու սկսեց բողոքել աղմուկից, նկարահանվել չէր ցանկանում, իսկ հավաքվածներն էլ սկսեցին նրան կշտամբել ու պնդել, որ սա փողոցային արվեստ է, և որևէ մեկն իրավունք չունի արգելել երաժիշտներին նվագել:
Արձակագիր Վահրամ Մարտիրոսյանը, որը երեկվանից բարձրաձայնում է խնդրի մասին, Factor.am-ին ասաց, որ կդիմի հնարավոր բոլոր միջոցներին` արգելքը կասեցնելու համար:
Մանրամասները` տեսանյութում:
Լիլիթ Շաբոյան
