09.07.2026 | 11:29
Տվերի և Ստավրոպոլի նավթաբազաները հրդեհվել են ուկրաինական ԱԹՍ-ների հարձակման հետևանքով
«Օտարերկրյա գործակալների» մասին օրենքի վերջնական հաստատումը կազդի ԱՄՆ-Վրաստան հարաբերությունների վրա․ Միլլեր
Քաղաքականություն
24.05.2024 | 15:36
«Օտարերկրյա գործակալների» մասին օրենքի ընդունումը լուրջ մտահոգություն է առաջացրել Վաշինգտոնում, և դրա վերջնական հաստատումը կազդի ԱՄՆ-ի և Վրաստանի հարաբերությունների վրա։ Այս մասին ասել է ԱՄՆ Պետքարտուղարության խոսնակ Մեթյու Միլլերը, գրում է Inter press news-ը։
«Եթե նայեք վերջին 30 տարիներին, ապա երկու երկրների, մեր ժողովուրդների միջև կան մեծ կապեր։ Մենք լիովին աջակցում ենք Վրաստանի շարունակական ինտեգրմանը Եվրոպային և ժողովրդավարության ընդլայնմանն ուղղված քայլերին։ Ուստի, երբ մենք տեսնում ենք նման հետքայլ, օրենքի ընդունում, որը հստակ ձևավորված է Ռուսաստանի ներսում ընդունված օրենքներով, սա լուրջ մտահոգություն է առաջացնում։ Եվ ոչ միայն ԱՄՆ-ի ու եվրոպական համայնքի անդամների, այլև վրաց ժողովրդի շրջանում։ Այնպես որ, անկասկած, եթե Վրաստանը գնա այս քայլին, եթե նախագահական վետոն չեղարկվի, դա հստակ հետևանքներ կունենա ԱՄՆ-ի և Վրաստանի հարաբերությունների համար»,- ասել է նա:
