08.07.2026 | 11:33
Չարենցավանի դատարանում տեղի ունեցած ծեծկռտուքի գործով 18 անձի նկատմամբ քրեական հետապնդում է հարուցվել
Կիրանցի որոշ բնակիչներ ոչնչացնում են գույքը, որ Ադրբեջանին չանցնի
Հասարակություն
23.05.2024 | 18:05
Տավուշի մարզի Կիրանց գյուղի բնակիչներից ոմանք փորձում են ոչնչացնել իրենց այն գույքը, որը պետք է անցնի Ադրբեջանին:
«Տավուշը հանուն հայրենիքի» շարժման ֆեյսբուքյան էջում հրապարակված կարճ տեսանյութերից մեկում երևում է, որ կիրանցեցիներից մեկը փորձում է հրկիզել հողամասի այն տարածքը, որը սահմանազատման հետևանքով պետք է անցնի ադրբեջանական կողմին։
Հրապարակված մեկ այլ տեսանյութում էլ պարզվում է, որ գյուղացիներից մեկն ապամոնտաժում է իր շինությունը։
Factor.am-ը փորձեց կապ հաստատել կիրանցեցիներից մեկի հետ, որի գույքը նույնպես սահմանազատման հետևանքով մնում է Ադրբեջանին։ Կիրանցեցի կինը վրդովված պատասխանեց, որ իր տանը դեռ ապրում է և չի պատրաստվում ո՛չ բնակարանից դուրս գալ, ո՛չ էլ պետության կողմից առաջարկվող փոխհատուցումը ստանալ։
Հիշեցնենք, որ մայիսի 15-ին Հայաստանն ու Ադրբեջանը համաձայնեցրել և ստորագրել են Բաղանիս-Բաղանիս-Այրում, Ոսկեպար-Աշաղը Ասկիպարա, Կիրանց -Խեյրեմլի, Բերքաբեր- Կըզըլ Հաջըլի գյուղերի սահմանային հատվածների արձանագրություն-նկարագրությունը:
Ավելի վաղ Հանրային ՀԸ-ին տված հարցազրույցում ԱԽ քարտուղար Արմեն Գրիգորյանը հայտնել էր, որ Կիրանցում 4 շինություն կա, որոնք 1976 թ․ քարտեզով չեն մնում ՀՀ տարածքում։ԱԽ քարտուղարը հստակեցրել էր, որ 4 շինություններից մեկը տուն է, մեկը՝ կացարան, մյուսը՝ խանութ-վագոն, որն այս պահին չի աշխատում, և մեկ ավտոտնակ։
Մանյա Պողոսյան
