23.11.2024 | 16:53
ՏԿԵ նախարարն այցելել է Նոր Հաճնի կամուրջ, հանձնարարականներ տվել շինարարներին
Սասուն Խաչատրյանը 8 մլն դրամով PORSCHE է գնել․ ինչ է հայտարարագրել Հակակոռուպցիոն կոմիտեի նախագահը
Հասարակություն
23.05.2024 | 15:30
Հակակոռուպցիոն կոմիտեի նախագահ Սասուն Խաչատրյանն անցած տարի PORSCHE մակնիշի ավտոմեքենա է գնել։ Կոռուպցիայի կանխարգելման հանձնաժողով Խաչատրյանի ներկայացրած 2023 թ-ի գույքի և եկամուտների հայտարարագրից տեղեկանում ենք, որ 2012 թ-ի արտադրության ավտոմեքենայի համար կոմիտեի նախագահը վճարել է 8 մլն դրամ։
Խաչատրյանը հայտարարագրել է Քանաքեռ-Զեյթունում 2 բնակարան, 1 ոչ բնակելի տարածք և 1 հողամաս։
Երևանի Կենտրոնում կառուցվող «Բյուրեղ» թաղամասում բնակարանի ձեռքբերման նպատակով Խաչատրյանն անցած տարի «Ջերմուկ Գրուպ» ՓԲԸ-ին տված փոխառությունն ավելացրել է 21 մլն դրամով, այսինքն՝ գումարի չափն ընդհանուր 28․1 մլն դրամ է։
Տարեվերջի դրությամբ նրա բանկային հաշիվներին եղել է 176 եվրո և 2․1 մլն դրամ, կանխիկ ունեցել է 20․1 մլն դրամ։
Սասուն Խաչատրյանի եկամուտը հիմնականում Հակակոռուպցիոն կոմիտեից ստացած աշխատավարձն է՝ 28․5 մլն դրամ, ևս 881 հազար դրամ ստացել է ՊԵԿ-ից՝ հիփոթեքի եկամտահարկի վերադարձ։
Նրա հիփոթեքային վարկի մայր գումարի մնացորդը տարեվերջին կազմել է 11․1 մլն դրամ, վարկի մարմանն ուղղել է 3․7 մլն դրամ։
Տարվա ընթացքում Ս․ Խաչատրյանը հանգստի համար ծախսել է 4․6 մլն դրամ։
Հակակոռուպցիոն կոմիտեի նախագահի կինը և դուստրը՝ Լիլիթ և Տաթևիկ Խաչատրյանները 2023 թ-ի հայտարարագրերը դեռ չեն ներկայացրել։
Գայանե Խաչատրյան
