12.03.2026 | 23:35
Վթար Երասխ-Երևան ավտոճանապարհին․ կան տուժածներ
«Ինչ դարձել ա էլեկտրոնային, դեղ չենք առնում»․ դեղատոմսի նոր կարգի խնդիրը շարունակում է արդիական մնալ. ՏԵՍԱՆՅՈՒԹ
20.05.2024 | 20:15
Էլեկտրոնային դեղատոմսի ներդրումից անցել է գրեթե երեք ամիս, սակայն Արմեդ համակարգով աշխատանքը շարունակում է բարդություններ ստեղծել բժիշկների համար։ Իրավապաշտպան կառույցն է ահազանգում՝ բժիշկներն էլեկտրոնային դեղատոմսեր չեն կարողանում դուրս գրել համակարգի հաճախակի խափանման պատճառով։
«Առողջության իրավունք» իրավապաշտպան հասարակական կազմակերպության նախագահ Անուշ Պողոսյանն ասում է՝ բժիշկներին դեղերի դուրսգրման մի կարգ են սովորեցրել, իսկ հիմա տեխնիկական այլ պահանջ են ներկայացնում։
«Համակարգի լուրջ խափանումներ չեն եղել, միայն տեխնիկական կամ բժշկի չիմացության դեպքեր են գրանցվել, որոնք արագ լուծվել են»,- ասում է Առողջապահության ազգային ինստիտուտի էլեկտրոնային առողջապահության ներդրման բաժնի ղեկավար Ծաղկանուշ Սարգսյանը։
Նրա խոսքով՝ շատ հաճախ բժշկական հաստատություններում սարքավորումների և կապերի հետ կապված խնդիրներ են արձանագրվում, որոնք պատրաստվում են մոնիթորինգ անել՝ տեխնիկական վերանայման և թարմացումների համար։
Առողջապահության ազգային ինստիտուտի էլեկտրոնային առողջապահության ներդրման բաժնի ղեկավարը նշում է՝ հիվանդություններ կան, որոնց դեպքում բժիշկը կոդ է գեներացնում, և բուժառուն այդ կոդով է գնում դեղերը։ Ծաղկանուշ Սարգսյանի խոսքով՝ սա միտված է նրան, որպեսզի դեղատներում ապահովեն անձնական տվյալների պաշտպանությունը։
Առողջապահության ազգային ինստիտուտից հայտնում են՝ մարտի 1-ից մինչ օրս էլեկտրոնային եղանակով դուրս է գրվել 580,931 դեղատոմս։ Քաղաքացիներն էլեկտրոնային դեղատոմսով կարող են ձեռք բերել հակաբակտերիային, հակասնկային, հակամիկոբակտերիային, հակավիրուսային դեղեր, իմունային շիճուկների և իմունոգլոբուլիններ, պատվաստանյութեր և միզոպրոստոլ պարունակող դեղեր։
Մանրամասները՝ տեսանյութում։
Անի Թամրազյան
