04.08.2026 | 18:41
ՉԺՀ Պետական խորհրդի նախագահը շնորհավորել է Նիկոլ Փաշինյանին
Ալիևը հուսադրող է համարել սահմանազատման գործընթացի սկիզբը
Քաղաքականություն
19.05.2024 | 15:41
Հայ-ադրբեջանական սահմանների սահմանազատման սկիզբը երկու երկրների միջև խաղաղության համաձայնագրի ստորագրման հույս է տալիս։ Այս մասին հայտարարել է Ադրբեջանի նախագահ Իլհամ Ալիևը. փոխանցում է ՏԱՍՍ-ը։
Նա ելույթ է ունեցել ադրբեջանա-իրանական սահմանին Արաքս գետի վրա գտնվող Խուդաֆերին և Գիզ-Գալասի հիդրոէլեկտրակայանների շահագործման հանձնման արարողությանը, որին ներկա է եղել նաև Իրանի նախագահ Իբրահիմ Ռաիսին։
«Ներկայումս ընթանում է Ադրբեջանի և Հայաստանի միջև սահմանների որոշման գործընթացը։ Մենք արդեն տեսնում ենք այդ գործընթացի առաջին դրական արդյունքները։ Մեր սահմանի հյուսիսային հատվածում արդեն իսկ սկսվել է դելիմիտացիայի և դեմարկացիայի գործընթացը։ Սա հուսադրող իրադարձություն է և հույս է ներշնչում, որ Ադրբեջանի և Հայաստանի միջև երկար ընդմիջումից հետո կարող է կնքվել խաղաղության պայմանագիր»,- ասել է Ալիևը։
