14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
34․1 մլն դրամ եկամուտ 1 տարում․ ինչ է հայտարարագրել Հայկ Մամիջանյանը
Հասարակություն
14.05.2024 | 15:45
ԱԺ «Պատիվ ունեմ» խմբակցության ղեկավար Հայկ Մամիջանյանը 2023 թ-ին ստացել է 34․1 մլն դրամ եկամուտ։ Կոռուպցիայի կանխարգելման հանձնաժողով պատգամավորի ներկայացրած 2023 թ-ի գույքի և եկամուտների հայտարարագրի համաձայն՝ Ազգային ժողովից նա ստացել է 9 մլն 362 հազար դրամ աշխատավարձ, «Լույս» հիմնադրամից՝ 8 մլն 548 հազար դրամ աշխատավարձ, 1200 եվրո աշխատավարձ Եվրոպայի խորհրդից և 15․7 մլն դրամ վարկ «Արարատ» բանկից։
Նրա կինը՝ Մարգարիտա Եսոյանը, ևս աշխատում է «Լույս» հիմնադրամում՝ որպես փորձագետ, և 2023-ին ստացել է 5․3 մլն դրամ աշխատավարձ։
Մամիջանյանը նախորդ տարիներին վերցրել է 3 վարկ, որից մեկը բնակարանի գնման նպատակով հիփոթեք է․ դրա մայր գումարի մնացորդը 16․5 մլն դրամ է, մյուս՝ 2․8 մլն և 4 մլն դրամ ծավալով վարկերի նպատակը հայտարարագրում պաշտպանված է և տեսանելի չէ։
Բնակարանը պատգամավորը գնել է 2021 թ-ին՝ Երևանի Մալաթիա-Սեբաստիա վարչական շրջանում՝ ավտոտնակի հետ միասին։
Հ․ Մամիջանյանի բանկային հաշվին տարեվերջի դրությամբ եղել է 1 մլն դրամ։ Մեկ այլ բանկային հաշվի դեպքում, թերևս, վրիպակ կա, քանի որ տարեսկզբին նշված է 4000 դոլար, իսկ տարեվերջին այն դարձել է 2500 եվրո։ Որպես կանխիկ պատգամավորը հայտարարագրել է 4․5 մլն դրամ։
Մամիջանյանը ՀՀԿ գործադիր մարմնի անդամ է։
Գայանե Խաչատրյան
