07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Բերման ենթարկված բոլոր քաղաքացիները ազատ են արձակվել․ ՆԳՆ
13.05.2024 | 14:41
Բողոքի ակցիաների ընթացքում այսօր Երևանում բերման ենթարկված բոլոր քաղաքացիները ազատ են արձակվել։ Տեղեկությունը Factor.am-ի հետ զրույցում հայտնեց ՆԳՆ խոսնակ Նարեկ Սարգսյանը։
Վերջին տվյալներով ոստիկանության բաժիններ բերման էր ենթարկվել 151 քաղաքացի։ ՆԳՆ-ից հայտնել էին, որ քաղաքացիները բերման են ենթարկվել ոստիկանության օրինական պահանջը չկատարելու հիմքով։
Հիշեցնենք, որ վաղ առավոտից մայրաքաղաքում ու մարզերում անհնազանդության ակցիաներ էին իրականցվում։ Այս գործողությունների մասին երեկ հայտարարել էր Տավուշի թեմի առաջնորդ Բագրատ արքեպիսկոպոս Գալստանյանը։ Նա ավելի վաղ պահանջել էր Փաշինյանի հրաժարականը, սակայն Նիկոլ Փաշինյանն այդ պահանջն անարձագանք էր թողել, միայն նրա թիմակիցները հայտարարեցին, որ Փաշինյանը ՀՀ լեգիտիմ ընտրված վարչապետ է։
